Page Text
________________
२५० __ आ.श्रीमलधारिहेमचन्द्रसूरिविरचितवृत्ति-अभयशेखरसूरिविरचितटिप्पणीसमेतं उक्को० चउभागपलिओवमं । ताराविमाणाणं भंते! देवीणं जाव गो० ! जहन्नेणं अट्ठभागपलिओवमं, उक्को० सातिरेगं अट्ठभागपलिओवमं ।
(सू० ३९१) (१) वेमाणियाणं भंते ! देवाणं जाव गो० ! जहणणेणं पलिओवमं, उक्कोसेणं तेत्तीसं सागरोवमाइं। वेमाणीणं भंते ! देवीणं जाव गो० ! जहं० पलिओवमं, उक्को० पणपण्णं पलिओवमाई ।
(२) सोहम्मे णं भंते ! कप्पे देवाणं केवतिकालं ठिती पं० ? गो०! जहं० पलिओवमं, उक्कोसेणं दोन्नि सागरोवमाइं। सोहम्मे णं भंते ! कप्पे देवीणं जाव गोतमा ! जहन्नेणं पलिओवमं, उक्कोसेणं सत्त पलिओवमाइं । सोहम्मे णं भंते ! कप्पे अपरिग्गहियाणं देवीणं जाव गो० ! जहं० पलिओवमं, उक्कोसेणं पन्नासं पलिओवमाइं ।
(३) ईसाणे णं भंते ! कप्पे देवाणं केवतिकालं ठिती पन्नत्ता ? गो० ! जहन्नेणं सातिरेगं पलिओवमं, उक्को० सातिरेगाइं दो सागरोवमाइं । ईसाणे णं भंते ! कप्पे देवीणं जाव गो० ! जहं० सातिरेगं पलिओवमं, उक्को० नव पलिओवमाइं। ईसाणे णं भंते ! कप्पे अपरिग्गहियाणं देवीणं जाव गो० ! जहन्नेणं साइरेगं पलिओवमं, उक्कोसेणं पणपण्णं पलिओवमाइं ।
(४) सणंकुमारे णं भंते ! कप्पे देवाणं केवइकालं ठिती पन्नत्ता? गो० ! जहं० दो सागरोवमाई, उक्कोसेणं सत्त सागरोवमाइं ।
(५) माहिंदे णं भंते ! कप्पे देवाणं जाव गोतमा ! जहं० साइरेगाइं दो सागरोवमाइं, उक्को० साइरेगाई सत्त सागरोवमाइं ।
(६) बंभलोए णं भंते ! कप्पे देवाणं जाव गोतमा ! जहं० सत्त सागरोवमाइं, उक्कोसेणं दस सागरोवमाई ।
(७) एवं कप्पे कप्पे केवतिकालं ठिती पन्नत्ता ? गो० ! एवं भाणियव्वं-लंतए जहं० दस सागरोवमाई, उक्को० चोद्दस सागरोवमाई। महासुक्के जहं० चोद्दस सागरोवमाई, उक्कोसेणं सत्तरस सागरोवमाइं। सहस्सारे जहं० सत्तरस सागरोवमाइं, उक्कोसेणं अट्ठारस सागरोवमाइं । आणए जहं० अट्ठारस सागरोवमाइं, उक्को० एक्कूणवीसं सागरोवमाई। पाणए जहं० एक्कूणवीसं सागरोवमाइं, उक्को० वीसं सागरोवमाइं । आरणे जहं० वीसं सागरोवमाइं, उक्को० एक्कवीसं सागरोवमाइं। अच्चुए जहं० एक्कवीसं सागरोवमाइं, उक्कोसेणं बावीसं सागरोवमाई ।
(८) हेट्ठिमहेट्ठिमगेवेजविमाणेसु णं भंते ! देवाणं केवइकालं ठिती पं० ? गो० !
Jain Education International
For Private & Personal Use Only
www.jainelibrary.org
| SR No. | 003230 |
| Book Title | Agam 45 Chulika 02 Anuyogdwar Sutra |
| Original Sutra Author | N/A |
| Author | Abhayshekharsuri |
| Publisher | Divya Darshan Trust |
| Publication Year | 2006 |
| Total Pages | 372 |
| Language | Prakrit, Sanskrit, Hindi |
| Classification | Book_Devnagari, Agam, Canon, & agam_anuyogdwar |
| File Size | 19 MB |