________________
श्रीअनुयोगद्वारसूत्रम् [सू०३८८-३९०]
उर-भुयग पुव्वकोडी, पलिउवमासंखभागो य ।। ११२ ।।
(सू० ३८८) (१) मणुस्साणं भंते ! केवइकालं ठिई पं० । गो० ! जहन्नेणं अंतोमुहुत्तं उक्कोसेणं तिणि पलिओमाई ।
(२) सम्मुच्छिममणुस्साणं जाव गो० ! जहं० अंतो० उक्को० अंतो० ।
(३) गब्भवक्कंतियमणुस्साणं जाव जहन्नेणं अंतोमुहुत्तं, उक्कोसेणं तिणि पलिओ माई | अपज्जत्तयगब्भवक्वतियमणुस्साणं जाव गो० ! जहं० अंतो० उक्कोसेणं अंतो० । पज्जत्तयगब्भवक्कंतियमणुस्साणं जाव गोतमा ! जहन्नेणं अंतोमुहुत्तं, उक्कोसेणं तिणि पलिओमाई अंतोमुहुत्तूणाई ।
२४९
( सू० ३८९) वाणमंतराणं भंते! देवाणं केवतिकालं ठिती पण्णत्ता ? गो० ! जहन्नेणं दस वाससहस्साइं, उक्कोसेणं पलिओवमं । वाणमंतरीणं भंते! देवीणं केवतिकालं ठिती पण्णत्ता ? गो० ! जहनेणं दस वाससहस्साइं, उक्कोसेणं अद्धपलिओवमं ।
( सू० ३९० ) ( १ ) जोतिसियाणं भंते ! देवाणं जाव गोतमा ! जहं० सातिरेगं अट्ठभागपलिओवमं, उक्कोसेणं पलिओवमं वाससतसहस्समब्भहियं । जोइसीणं भंते ! देवीणं जाव गो० ! जहं० अट्ठभागपलिओवमं, उक्कोसेणं अद्धपलिओवमं पण्णासाए वाससहस्सेहिं अब्भहियं ।
(२) चंदविमाणाणं भंते ! देवाणं जाव जहन्नेणं चउभागपलिओवमं, उक्कोसेणं पलिओवमं वाससतसहस्साहियं । चंदविमाणाणं भंते ! देवीणं जाव जहन्नेणं चउभागपलिओवमं उक्को० अद्धपलिओवमं पण्णासाए वाससहस्सेहिं अब्भहियं ।
(३) सूरविमाणाणं भंते ! देवाणं जाव जहं० चउभागपलिओवमं, उक्को० पलिओवमं वाससहस्साहियं । सूरविमाणाणं भंते! देवीणं जाव जहं० चउभागपलिओवमं, उक्को० अद्धपलिओवमं पंचहिं वाससएहिं अधियं ।
(४) गहविमाणाणं भंते ! देवाणं जाव जहन्नेणं चउभागपलिओवमं, उक्को० पलिओवमं । गहविमाणाणं भंते ! देवीणं जाव जहं० चउभागपलिओवमं, उक्कोसेणं अलिओ |
(५) णक्खत्तविमाणाणं भंते ! देवाणं जाव गोयमा ! जहं० चउभागपलिओवमं, उक्को० अद्धपलिओवमं । णक्खत्तविमाणाणं भंते ! देवीणं जाव गो० ! जहनेणं चउभागपलिओवमं, उक्को० सातिरेगं चउभागपलिओवमं ।
(६) ताराविमाणाणं भंते! देवाणं जाव गो० ! जहं० सातिरेगं अट्ठभागपलिओवमं,
Jain Education International
For Private & Personal Use Only
www.jainelibrary.org
