Page Text
________________
२५१
श्रीअनुयोगद्वारसूत्रम् [सू०३९२-३९५] जहं० बावीसं सागरोवमाइं, उक्को० तेवीसं सागरोवमाइं, हेट्ठिममज्झिमगेवेज्जविमाणेसु णं जाव गो० ! जहं० तेवीसं सागरोवमाइं उक्कोसेणं चउवीसं सागरोवमाइं। हेट्ठिमउवरिमगेवेज० जाव जहं० चउवीसं सागरोवमाइं उक्को० पणुवीसं सागरोवमाइं। मज्झिमहेट्ठिमगेवेजविमाणेसु णं जाव गोतमा ! जहं० पणुवीसं सागरोवमाइं, उक्को० छव्वीसं सागरोवमाई, मज्झिममज्झिमगेवेज० जाव जहं० छव्वीसं सागरोवमाई उक्को० सत्तावीसं सागरोवमाइं। मज्झिमउवरिमगेवेजविमाणेसु णं जाव गोतमा ! जहं० सत्तावीसं सागरोवमाइं, उक्को० अट्ठावीसं सागरोवमाइं । उवरिमहेट्ठिमगेवेज० जाव जहं० अट्ठावीसं सागरोवमाइं, उक्को० एकूणतीसं सागरोवमाइं । उवरिममज्झिमगेवेज० जाव जहं० एक्कूणतीसं सागरोवमाई उक्को० तीसं सागरोवमाई । उवरिमउवरिमगेवेज० जाव जहं० तीसं सागरोवमाइं, उक्को० एक्कतीसं सागरोवमाई।
(९) विजय-वेजयंत-जयंत-अपराजितविमाणेसु णं भंते ! देवाणं केवइकालं ठिती पण्णत्ता ? गो० जहण्णेणं एक्कतीसं सागरोवमाइं, उक्कोसेणं तेत्तीसं सागरोवमाइं । सव्वट्ठसिद्धे णं भंते ! महाविमाणे देवाणं केवइकालं ठिती पण्णत्ता ? गो० ! अजहण्णमणुक्कोसं तेत्तीसं सागरोवमाइं। सेतं सुहमे अद्धापलिओवमे । सेतं अद्धापलिओवमे।
(सू० ३९२) से किं तं खेत्तपलिओवमे ? खेत्तपलिओवमे दुविहे पण्णत्ते । तंजहासुहुमे य वावहारिए य ।
(सू० ३९३) तत्थ णं जे से सुहुमे से ठप्पे ।
(सू० ३९४) तत्थ णं जे से वावहारिए से जहानामए पल्ले सिया जोयणं आयामविक्खंभेणं, जोयणं उर्दू उच्चत्तेणं, तं तिगुणं सविसेसं परिक्खेवेणं; से णं पल्ले एगाहियबेहिय-तेहिय० जाव भरिए वालग्गकोडीणं । ते णं वालग्गा णो अग्गी डहेज्जा, णो वातो हरेजा, जाव णो पूइत्ताए हव्वमागच्छेज्जा । जे णं तस्स पल्लस्स आगासपदेसा तेहिं वालग्गेहिं अप्फुन्ना ततो णं समए समए गते एगमेगं आगासपएसं अवहाय जावतिएणं कालेणं से पल्ले खीणे जाव निट्ठिए भवइ । सेतं वावहारिए खेत्तपलिओवमे ।
एएसिं पल्लाणं कोडाकोडी हवेज दसगुणिया ।। तं वावहारियस्स खेत्तसागरोवमस्स एगस्स भवे परीमाणं ॥११३॥
(सू० ३९५) एएहिं वावहारिएहिं खेत्तपलिओवम-सागरोवमेहिं किं पयोयणं ? एएहिं० नत्थि किंचि प्पओयणं, केवलं तु पण्णवणा पण्णविजइ । सेतं वावहारिए खेत्तपलिओवमे ।
Jain Education International
For Private & Personal Use Only
www.jainelibrary.org
| SR No. | 003230 |
| Book Title | Agam 45 Chulika 02 Anuyogdwar Sutra |
| Original Sutra Author | N/A |
| Author | Abhayshekharsuri |
| Publisher | Divya Darshan Trust |
| Publication Year | 2006 |
| Total Pages | 372 |
| Language | Prakrit, Sanskrit, Hindi |
| Classification | Book_Devnagari, Agam, Canon, & agam_anuyogdwar |
| File Size | 19 MB |