________________
जम्बूद्वीपप्राप्तिसूत्रे देविंदे देवराया गच्छइणं भो सक्के देविंदे देवराया जंबुद्दीवे दीवे भगवओ तित्थयरस्स जम्मणमहिमं करित्तए, तं तुब्भेवि णं देवाणुप्पिया। सव्विद्धीए सव्वजुईए सव्वरलेणं सव्वसमुदयेणं सव्वायरेणं सव्वविभूईए सव्वविभूसाए सवसंभमेणं सदसणाडएहिं सनोवरोहेहिं सवपुप्फगंधमल्लालंकारविभूसाए सवदिव्वतुडियसहसणिणाएणं महा इद्धीए जाव रवेणं णिययपरियालसंपरिवुडा सयाई सयाइं जाणविमाणवाहणाई दुरूढा समाणा अकालपरिहीणं चेत्र सकस्त जाव अंतियं पाउब्भवह । तएणं से हरिणेगमेसी देवे पायत्ताणीयाहिवई सकेणं ३ जाव एवं वुत्ते समाणे हट्ट तुटू जाव एवं देवोत्ति आणाए विणएणं वयणं पडिसुणेइ पडिसुणित्ता सक्कस्स ३ अंतियाओ पडिणिक्खमइ पडिणिक्खमित्ता जेणेव सभाए सुहम्माए मेघोघरसियगंभीरमहुरयरसदा जोयणपरिमंडला सुघोसा घंटा तेणेव उवागच्छइ, उवागच्छित्ता तं मेघोघरसियगंभीरमहुरयरसदं जोयणपरिमंडलं सुघोसं घंटे तिक्खुत्तो उल्लालेइ तएणं तीसे मेघोघरसियगंभीरमहुरयरसदाए जोयणपरिमंडलाए सुघोसाए घंटाए तिक्तो उल्लालियाए समाणीए सोहम्मे कप्पे अण्णेहिं एगूणेहिं बत्तीसविमाणावाससयसहस्सेहिं अण्णाई एगूणाई बत्तीसं घंटासयसहस्साई जमगसमगं कणकणारावं काउं पयत्ताइं हुत्था इति, तएणं सोहम्मे कप्पे पासायविमाणनिक्खुडावडियसहसमुट्ठिय घंटापडेंसुया सय सहस्ससंकुले जाए यावि होत्था इति, तएणं तेसिं सोहम्मकप्पवासीणं बहणं वेमाणियाणं देवाणय देवीणय एगंत रइपसत्तणिच्चपमत्त विसय सुहमुच्छियाणं सूसरघंटारसियविउलबोलपूरियचवलपडिबोहणे कए समाणे घोसणकोऊहलदिण्णकण्णएगग्गचित्त उवउत्तमाणसाणं से पायताणीयाहिवई देवे तंसि घंटारवंसि निसंतासंतति समासि तत्थ तत्थ तहिं तहिं देसे महया महया सद्देणं उग्घोसेमाणे उग्रोसेमाणे एवं वयासीति हंत ! सुणं तु भवंतो बहवे सोहम्मकप्पवासी वेमा
Jain Education International
For Private & Personal Use Only
www.jainelibrary.org
