________________
जम्बूद्वीपप्रज्ञप्तिसूत्र अथेन्द्रकृत्यावसरमाहमूलम् तेणं कालेणं तेणं समएणं सक्के णाम देविंदे देवराया वज्जपाणी पुरंदरे सयकऊ सहस्सक्खे मघवं पागसासणे दाहिणद्धलोकाहिवई बत्तीसविमाणावाससयसहस्साहिवई एरावणवाहणे सुरिंदे अरयं बरवत्थधरे आलइयमालमउडे नवहेमचारुचित्तचंचलकुंडलविलिहिज्जमाणगंडे भासुरबोंदी पलंबवणमाले महिडिए महज्जुईए महाबले महा जसे महाणुभागे महासोक्खे सोहम्मे कप्पे सोहम्मवडिंसए विमाणे सभाए सुहम्माए सक्कंसि सीहासणंसि से गं तत्थ बत्तीसाए विमाणा. वाससयसाहस्सीणं चउरासीए सामाणियसाहस्सीणं तायत्तीसाए ताय. तीसगाणं चउण्हं लोगपालाणं अटण्हं अग्गमहिसी सपरिवाराणं तिण्हं परिसाणं सतण्हं अणिआणं सत्तण्हं अणियाहिबईणं चउण्हं चउरासीणं आयरक्खदेवसाहस्सीणं अन्नेसिं च बहूणं सोहम्मकप्पवासीणं वेमाणियाणं देवाण य देवीण य आहेबच्चं सामित्तं भट्टितं महत्तरगतं आणाईसरसेणावच्चं कारेमाणे पालेमाणे महयाहयणगीयवाइयतंतीतलतालतुडियघणमुइंगपडुपडहवाइयरवेणं दिव्वाइं भोगभोगाई भुंजमाणे विहरइ । तए णं तस्स सकस्त देविंदस्त देवरणो आसणं चलई । तए णं से सक्के जाव आसणं चलियं पासइ पासित्ता ओहिं पउंजइ पउंजित्ता भगवं तित्थयरं ओहिणा आभोएइ आभोइत्ता हट्टतुटूचित्ते आनंदिए पीइमणे परमसोमणस्सिए हरिसवसविसप्पमाणहियए धाराहयंकयंबकुसुमचंचुमालइयऊत्तवियरोमकूवे वियसियवरकमलनयणवयणे पचलियवरकडगतुडियकेऊरमउडे कुंडलहारविरायंतवच्छे पालंबपलंबमाणघोलंतभूसणधरे ससंभमं तुरियं चवलं सुरिंदे सीहासणाओ अब्भुटेइ अब्भुद्विता पायपीठाओ पच्चोरुहइ पञ्चोरुहिता वेरुलियवरिटुरिट्ट अंजणनिउणोवियमिसिमिसिंत मणिरयणमंडियाओ पाउयाओ ओमुयइ
ओमुइत्ता एगसाडियं उत्तरासंगं करेइ करित्ता अंजलिमउलियग्गहत्थे तिस्थयराभिमुहे सत्तष्ट्रपयाइं अणुगच्छइ अणुगच्छित्ता वामं जाणुं अंचेह
Jain Education International
For Private & Personal Use Only
www.jainelibrary.org
