________________
७६०
जम्बूद्वीपप्राप्तिने ... अथ ते किं कुर्वन्तीत्याह ...-'तएणं ते इत्यादि
मुलम्-तएणं ते आवाडचिलाया सुसेण सेनावइणा हयमहिया जाव पडिसेहिया समाणा भीआ तत्था वेहिआ उबिग्गा संजायभया अत्थामा अबला अवीरिआ अपुरिसक्कारपरक्कमा अधारणिज्जमिति कटु अणेगाई जोअणाई अवक्कमंति, अवक्कमित्ता एगयओ मिलायंति, मिलाइत्ता जेणेव सिंधू महानई तेणेव उवागच्छंति उवागच्छित्ता वालुआ संथारए संथरेंति, संथरित्ता वालुओ संथारण दुरुहंति दुरुहित्ता अट्ठमभत्ताई पगिण्हंति पगिण्हित्ता वालुआ संथारोवगया उत्ताणगा अट्ठमभत्तिा जे तेसिं कुलदेवया मेहमुहाणामं गागकुमारा देवा ते मणसी करेमाणा करेमाणा चिट्ठति । तएणं तेसिमावाडचिलायाणं अट्ठम भत्तसि परिणममाणंसि मेहमुहाणं णागकुमाराणं देवाणं आसणाई चलंति, तएणं ते मेहमुहा णागकुमारा देवा आसणाई चलिआई पासंति पसित्ता ओहिं पउंजंति पउंजित्ता आवाडचिलाए ओहिणा आभोएंति अभोइत्ता अण्णमण्णं सदावेति सदावित्ता एवं क्यासी एवं खलु देवाणुप्पिआ ! जंबुद्दीवे दीवे उत्तरद्ध भरहे वासे आवाडचिलाया सिंधूए महाणईए नालुआ संथारोवगया उत्ताणगा अवसणा अट्ठमभत्तिआ अम्हे कुलदेवए मेहमुहे णागकुमारे देवे मणसी करेमाणा करेमाणा चिट्ठति, तं सेअंखलु देवाणुप्पिआ! अम्हं आवडचिलायाणं अंतिए पाउभवित्तए त्तिक? अण्णमणस्स अंतिए एअमटुं पडिसुणेति पडिसुणेत्ता ताए उक्किट्ठाए तुरिआए जाव वीतिवयमाणा वीतिवयमाणा जेणेव जंबुद्दीवेदीवेउत्तरद्धभरहे वासे जेणेव सिंधू महाणई जेणेव आवाडचिलाया तेणेव उवागच्छंति,उवोगच्छित्ता अंतलिक्खपडिवण्णा सखिखिणिआई पंच वण्णाइं पवरपरिहिआ ते आवाडचिलाए एवं वयासी-हंभो आवाडचिलाया ! जण्णं तुम्मे देवाणुप्पिओ ! वालुआ संथारोवगया उत्ताणगा अवसणा अट्ठमभतिआ अम्हे कुलदेवए मेहमुहे जोगकुमारे देवे मणसी करेमाणा करेमाणा चिट्टह
Jain Education International
For Private & Personal Use Only
www.jainelibrary.org