________________
जम्बुद्धीपप्रज्ञप्तिसूत्र अकज्जणिच्चुज्जुया गुरुणिओगविणयरहिया य विकलरूवा परूढणहकेस. मंसुरोमा काला खरफरुससमावण्णा फुट्टसिरा कविलपलियकेसा बहुण्हा. रुणिसंपिणद्धदुइंसणिज्जरूवो संकुडिअवलीतरंगपरिवेढिअंगमंगा जरापरि. णयब थेरगणरा पविश्लपविसडिअदंतसेढी उभडघडमुहा विसमणयणवंक णासा वंकवली विगयभेसणमुहा ददुविकिटिभसिब्भफुडिअफरुसच्छवो चित्तलंगमंगा कच्छूरवसराभिभूआ खरतिक्षणक्खकंडूइअविकयतणू टोल गतिविसमसंधिबंधणा उक्कडुअट्टिअविभत्तदुबलकुसंघयणकुप्पमाणकुलेठिआ कुरूवो कुट्ठाणासणकुसेज्जकुभोइणो असुइणो अणेगवाहिपोडिअंगमंगा खलंत विब्भलगई णिरुच्छाहा सत्तपरिवज्जिया विगयचेट्टा णट्ठतेआ अभिक्खणं सीउण्हखरफरुसवायविज्झडिअमलिणपंसुरओ गुडि अंगमंगा बहुकोहमाणमायालोमा बहमोहा असुभदुक्खभागी ओसणं धम्मसण्णसम्मत्तपरिभट्टा उक्कोसेणं रयणिप्पमाणमेत्ता सोलसवीसइवासपरमाउसो बहुपुत्तणत्तपरियाल पणयबहुला गंगासिंधूओ महाणईओ वेयड्ढे च पव्वयं नीसाए बावत्तरि णिगोअबीअं बीअमेत्ता बिलवासिणो मणुआ भविस्संति, ते णं भंते! मणुआ किमाहारिस्सतिगोयमा! तेणं कालेणं तेणं समएणं गंगासिंधुओ महाणइओ रहपहमित्तवित्थराओ अक्खसोअप्पमाणमेत्तं जलं वोज्झिहिंति सेवि अ णं जले बहुमच्छकच्छमाईण्णे णो चेवणं आउबहुले भविस्सइ।तएणं ते मणुया सूरुग्गमणमुहुत्तंसि अ सूरस्थमणमुहुतंसि अ बिलेहितो णिद्धाइस्संति बिलेहितो णिद्धाइत्ता मच्छकच्छमे थलाई गाहेहिति मच्छकच्छभे थलाइं गाहेत्ता सीआतवतत्तेहिं मच्छकच्छभेहिं इक्कवीसं वाससहस्साई वित्ति कप्पेमाणा विहरिस्संति । ते णं भंते ! मणुआ णिस्सीला णिव्वया णिग्गुणा णिम्मेरा णिप्पच्चक्खाणपोसहोववासा ओसणं मंसाहारा मच्छाहारा खुड्डाहारा कुणिमाहारा कालमासे कालं किच्चा कहिं गच्छिहिंति कहिं उववज्जिहिति, गोयमा ! ओ
बोझिहितिला ते मणुया सूखलहितो णि
Jain Education International
For Private & Personal Use Only
www.jainelibrary.org
