________________
विद्या वृद्धसमुद्देशः।
अथ चतसृणामपि विद्यानां प्रयोजनमाह--
आन्वीक्षिक्यध्यात्मविषये, त्रयी वेदयज्ञादिषु, वार्ता कृषिकआदिका, दण्डनीतिः साधुपालनदुष्टनिग्रहः ॥ ६० ॥ टीका—गतार्थमेतत् । तथा च गुरु:
आन्वीक्षिक्यात्मविज्ञानं धर्माधर्मों त्रयोस्थितौ।
अर्थानौँ तु वार्तायां दण्डनीत्यां नयानयो ॥१॥ अथ राजा यथा विद्यां जानाति तथाह
चेतेयते च विद्यावृद्धसेवायाम् ॥ ६१ ॥ वृद्धशब्देन धर्मशास्त्राणि प्रोच्यन्ते, न बलिपलितभाजः । तथा च नारदः
न तेन वृद्धो भवति येनास्य पलितं शिरः।
यो वै युवाप्यधीयानस्तं देवाः स्थविर विदुः ॥१॥ अथ राजाऽजातविद्यावृद्धसंयोगो यथा भवति तथाह
अजातविद्यावृद्धसंयोगो हि राजा निरंकुशो गज इव सद्यो । विनश्यति ॥ ६२ ॥
टीका-यो राजा अजातवृद्धसेवी भवति स निरंकुश उन्मार्गगामी भवति ततोऽकुशरहितो गज इव सद्यः शीघ्रं विनश्यति । तस्माद्राज्ञा विद्या ज्ञातव्या वृद्धाश्च सेवनीयाः । तथा चर्षिपुत्रः
यो विद्यां वेत्ति नो राजा वृद्धान्नैवोपसेवते।
स शीघ्रं नाशमायाति निरंकुश इव द्विपः ॥१॥ __ अथ राज्ञो विशिष्टसङ्गेन यद्भवति तदाह
१ नेदं सूत्रं मुद्रितपुस्तके । २ उत्सहते चेति मु-पुस्तके, यतते इति मूपुस्तके ।
Jain Education International
For Private & Personal Use Only
www.jainelibrary.org
