________________
नीतिवाक्यामृते
अथ धर्मश्रुतधनानां स्वल्पेनापि संग्रहेण नित्यं विहितेन यद्भवति तदाह
धर्मश्रुतधनानां प्रतिदिनं लवोऽपि संगृह्यमाणो भवति समुद्रादप्यधिकः ॥ २९ ॥
टीका-धर्मश्च श्रुतं च धनं च धर्मश्रुतधनानि तेषां धर्मश्रुतधनानां मध्याल्लवोऽपि लेशोऽपि संगृह्यमाणः पुरुषेण प्रतिदिनं गच्छता कालेन समुद्रो भवति । कोऽर्थोऽनन्तो भवति । तथा च वर्ग:
उपार्जयति यो नित्यं धर्मश्रुतधनानि च ।
सुस्तोकान्यप्यनन्तानि तानि स्युर्जलधिर्यथा ॥ १॥ अथ धर्माय ये निरुद्यमास्तानुद्दिश्याह
धर्माय नित्यमनाश्रयमाणानामात्मवंचनं भवति ॥३०॥ टीका-आत्मा वंचितो भवति। केषां ? अनाश्रयमाणानां । कस्मै ? धर्माय धर्मार्थ । तथा वशिष्ठ:----
मनुष्यत्वं समासाद्य यो न धर्म समाश्रयेत् ।
आत्मा प्रवंचितस्तेन नरकाय निरूपितः ॥१॥ अथ धर्मराशिविषये प्राह
कस्य नामैकदैव सम्पद्यते पुण्यराशिः ॥ ३१ ॥ टीका-कस्य नामैकदैव हेलयेत्यर्थः । सम्पद्यते इति निश्चयः । तथा च भागुरिः
सुख स्यानन्तरं दुःखं दुःखस्यानन्तरं सुखं ।
न हेलया सुखं नास्ति मर्त्यलोके भवेन्नृणां ॥१॥ अथालस्योपहतस्य मनोरथा यथा भवंति तथाह
अनाचरतो मनोरथाः स्वग्नराज्यसमाः ॥ ३२ ॥ १ अजागृतां मु-मू-पुस्तके । २ स्वयमनाचरतां इत्यपि पाठः मुद्रितपुस्तके । स्वयमनाचरतो इति मू-पु. ।
Jain Education International
For Private & Personal Use Only
___www.jainelibrary.org
