________________
युद्धसमुद्देशः ।
कष्टं न भवति प्रत्युत तस्य (सुलभतैव ) मतिनद्या द्वितीयं प्रोक्तं स्रोतः धर्मलक्षणं तदुर्लभं कृच्छेण यदि लभ्यते इति । तथा च गुरु:
मति म नदी ख्याता पापधर्मोद्भवा नृणां । द्विस्रोतः प्रथमं तस्याः पापो धर्मस्तथापरं ॥१॥ अथ महतां वचनस्य माहात्म्यमाहसत्येनापि शप्तव्यं महतामभयप्रदानवचनमेव शपथः ॥७९॥ टीका-किल सत्यः शपथः कार्यो विश्वासविषये शत्रूणां । महतामुत्तमपुरुषाणामभयवचनं यत् स एव शपथः। तथा च शुक्र:
उत्तमानां नृणामत्र यद्वाक्यमभयप्रदं ।
स एव सत्यः शपथः किमन्यैः शपथैः कृतैः ॥१॥ अथ साधूनामसाधूनां ये व्यवहारास्ते कथ्यन्ते-.
सतामसतां च वचनायत्ताः खलु सर्वे व्यवहाराः, स एव सर्वलोकमहनीयो यस्य वचनमन्यमनस्कतयाप्यायातं भवति शासनं ।। ८० ॥
टीका-सत्पुरुषो निश्चयेन सर्वलोकमहनीयोऽखिलजनपूजनीयो भवति । यस्य पुरुषस्य वचनं वाक्यं अन्यमनस्कतया निजमाहात्म्येनापि आयातं व्याख्यातं विस्तीर्ण यथा शासनं तत्संज्ञं भवति। तथा च शुक्रः
स एव पूज्यो लोकानां यद्वाक्यमपि शासनं । विस्तीर्ण प्रसिद्धं च लिखितं शासनं यथा ॥१॥ अथ वाचां माहात्म्यमाहनयोदिता वाग्वदति सत्या ह्येषा सरस्वती ॥ ८१ ॥
टीका-या वाणी नयोदिता भवति नीत्यात्मिका भवति सा । हि स्फुटं । एषा प्रत्यक्षा । सरस्वती भारती । तथा च गौतमः
नीत्यात्मिकात्र या वाणी प्रोच्यते साधुभिर्जनः । प्रत्यक्षा भारती ह्येषा विकल्पो नास्ति कश्चन ॥१॥
Jain Education International
For Private & Personal Use Only
www.jainelibrary.org
