________________
षागुण्यसमुद्देशः।
३१९ तथाधिष्ठानं वसतिः । कयोः ? नयविक्रमयोः नीतिशौर्ययोः स विजिगीषुरुच्यते ।
अथारिलक्षणमाहय एव स्वस्याहितानुष्ठानेन प्रातिकूल्यमीयर्ति स एवारिः।२४।
टाका-स एव स्वस्यात्मीयस्य कस्यचिदहितानुष्ठानेनापराधक्रियया प्रातिकूल्यं दुष्टत्वमाचरति सदैव सोऽरि : कथ्यते । मित्रलक्षणमुक्तमेव पुरस्तात् ॥ २५ ॥ पाणि ग्रहलक्षणमाह
यो विजिगीषौ प्रस्थितेऽपि प्रतिष्ठमाने वा पश्चात्कोपं जनयति स पाणिग्राहः ॥२६॥ ___टीका-कश्चिद्राजा विजिगीषौ विजययात्रायां प्रस्थितेऽन्यस्य भूपस्योपरि प्रतिष्ठमानेऽथवा गन्तुकामेऽथवा पश्चात्कोपं जनयति तद्देशमर्दनं करोति स पाणिग्राह ऊच्यते ।
अथाक्रन्दस्य लक्षणमाहपाणिग्राहाद्यः पश्चिमः स आक्रन्दः ॥ २७ ॥
टीका-आक्रन्दयति विजिगीषोः समित्रत्वे यतः सर्वेऽपि सीमान्ततरिता मित्रस्थाने भवन्ति ।
अथासारलक्षणमाह पाणिग्राहमित्रमासार आक्रन्दमित्रं च ॥ २८ ॥ टीका-पाणिग्राहाद्यः सीमान्तरितस्तस्य मित्रत्वे वर्तमानः स आ सारः कथ्यते । आशब्दो मर्यादा वाचकः सर्वेषां विजिगीषुपाणिग्राहाक्रन्दादीनां पर्यन्ते सरति वर्तते तेन आसारः तं पाणिमित्रमाक्रन्दमित्रं चैकसीमाधिपतित्वात् कथयन्ति ।
Jain Education International
For Private & Personal Use Only
www.jainelibrary.org
