________________
३१०
नीतिवाक्यामृते
बलीवर्द इव। किंविशिष्टः ? अनस्तितो नासारज्जुरहितः । यथा नासाबन्धनरहितो वृषो ध्रियमाणः पुरुषमपि समाकर्षयति । तथा च भागुरिः
नस्तया रहितो यद्वद्रियमाणोऽपि गच्छति । वृषस्तद्वच्च मूखोऽपि धृतः कोपान्न तिष्ठति ॥१॥ अथ गोपालस्योपदेशो नावस्तुनः पदार्थस्य यथा वस्तुत्वं न भवति तदाह--
स्वयमगुणं वस्तु न खलु पक्षपाताद्गुणवद्भवति न गोपालस्नेहादुक्षा क्षरति क्षीरम् ॥ ४७ ॥
टीका-स्वयमेवागुणमात्मनैव विरूपं यद्वस्तु तत्पक्षपातान्न श्लाघ्यमानं शोभनं न भवति । केन दृष्टान्तेन ? यथा गोपालश्लाघितेनोक्षा क्षीरं न क्षरति दुग्धं प्रयच्छति । तथा च नारदः
स्वयमेव कुरूपं यत् तन्न स्याच्छंसितं शुभं । यथोक्षा शंसितः क्षीरं गोपालेन ददाति नो ॥१॥
इति विवादसमुद्देशः ।
Jain Education International
For Private & Personal Use Only
www.jainelibrary.org
