________________
सदाचारसमुद्देशः ।
२६९ परोपकारो योगिनां महान् भवति श्रेयोबन्ध इति ॥ ३३ ॥
टीका-श्रेयोबन्धो भवति कल्याणबन्धो भवति । किविशिष्टः ? महान् । कोऽसौ ? परोपकारः । केषां ? योगिनां महापुरुषाणां । तथा च जैमिनिः--
उपकारो भवेद्योऽत्र पुरुषाणां महात्मनां । कल्याणाय प्रभूताय स तेषां जायते ध्रुवम् ॥१॥ अथ शरणागतानां परीक्षामाहका नाम शरणागतानां परीक्षा ॥ ३४ ॥ टीका-गतार्थमेतत् । अथ पातकीनां महासत्वानां च स्वरूपमाह
अभिभवनमंत्रेण परोपकारो महापातकिनां न महासत्वानां ॥ ३५ ॥
टीका-अभिभवनमंत्रेणाभिलाषमंत्रेण परोपकारः । केषां ? महापातकिनां न महासत्वानां । ये महासत्वा तेषामुपकारोऽभिलापरहितः। तथा च शुक्रः
महापातकयुक्ताः स्युस्ते नियोति वरं बलान् ।
अभिभवनमंत्रेण न सद्वाद कथंचन ॥१॥ अथ यस्य भूपतेः शत्रुः सभासु गुणग्रहणं न क्रियते तस्य यद्भवति तदाह
तस्य भूपतेः कुतोऽभ्युदयो जयो वा यस्य द्विषत्सभासु नास्ति गुणग्रहणप्रागल्भ्यं ।। ३६ ।।
टीका-तस्य भूपतेः कुतोऽभ्युदयः कयं वापि जयः स्यात् । यस्य द्विषत्सभासु नास्ति न विद्यते । किं तत् ? गुणग्रहणप्रागल्भ्यं गुणग्रहणप्राचुर्यं । तथा च शुक्रः
Jain Education International
For Private & Personal Use Only
www.jainelibrary.org
