________________
राजरक्षासमुद्देशः ।
२४१
टीका-आप्ता निजा ये पुरुषास्तैरनेसरैः प्रजल्पमानैर्यो विश्वासः समुत्पद्यते तद्वशीकरणं तेषु अन्यत्र गूढचरगुप्तपणिधिस्तेषु वशीकरणं यस्तेषां सर्व चेष्टितं निवेदयतीति । तथा च शुक्रः
बलवत्पक्षदायादा आप्तद्वारेण वश्यगाः। भवन्ति चातिगुप्तैश्च चरैः सम्यग्विशोधिताः ॥१॥ अथ दुर्बोधे सुते दायादे वा यत्कर्तव्यं तदाहदुर्बोधे सुते दायादे वा सम्यग्युक्तिभिर्दुरभिनिवेशमवतारयेत ॥ ६४ ॥
टीका-अवतारयेत् स्फोटयेत् । किं ? दुरभिनिवेशं मूर्खाग्रहं । कस्मिन् सति ? दुर्बोचे सति मूर्खत्वयुक्ते सति । कस्मिन् ? सुते पुत्रे दायादे वा दुरभिनिवेशमवतारयेत्। काभिः कृत्वा ? युक्तिभिः प्रपंचैः । एतदुक्तं भवति यदा तु पुत्रो बान्धवो वा विरुद्धो भवति तदा युक्तिभिः सन्तोषः कार्यः । तथा च रैभ्यः
पुत्रो वा बान्धवो वापि विरुद्धो जायते यदा । तदा सन्तोषयुक्तस्तु सत्कार्यो भूतिमिच्छता ॥१॥ अथ साधूनां सुचाराणां यो विकृतिं करोति तस्य यद्भवति तदाहसाधूषूपचर्यमाणेषु विकृतिभजनं स्वहस्ताङ्गाराकर्षणमिव ॥६५॥
टीका-साधुषु लोकेषूपचर्यमाणेधूपकारं क्रियमाणेषु यद्विकृतिभजनं विरुद्ध क्रियते । तत्किविशिष्टमिव ? स्वहस्ताङ्गाराकर्षणमिव स्वहस्तेन तावदङ्गाराणां कर्षणं क्रियते । तथा च भागुरिः
साधूनां विनयाढ्यानां विरुद्धानि करोति यः । स करोति न सन्देहः सहस्तेनाग्निकर्षणम् ।। १ ।। अथ मातृपितृभ्यामशुद्धाभ्यामपत्यानि यादृक्षाणि भवन्ति तदाहनीति०-१६
Jain Education International
For Private & Personal Use Only
___www.jainelibrary.org
