________________
२३६
नीतिवाक्यामृते
प्राणार्थहानिरेव स्याद्वेश्यायां सक्तितो नृणाम् । यस्मात्तस्मात्परित्याज्या वेश्या पुंभिर्धनार्थिभिः ॥१॥ अथ भूयोऽपि वेश्यास्वरूपमाह - धनमनुभवन्ति वेश्या न पुरुषं ॥४७॥
टीका-~-या एता वेश्या उच्यन्ते ता धनमनुभवन्ति न पुरुषं । मूर्खः पुनरेवं जानाति ममैषा सानुरागा । यदि पुनर्धनं न प्रयच्छति तत्तत्संमुखमपि नावलोकयन्ति । तथा च भारद्वाज:
न सेवन्ते नरं वेश्याः सेवन्ते केवलं धनम् । धनहीनं यतो मयं संत्यजन्ति च तत्क्षणात् ॥१॥ अथ भूयोऽपि वेश्यानां स्वरूपमाहधनहीने कामदेवेऽपि न प्रीति बन्नन्ति वेश्याः ॥ ४८ ॥ टीका-न बध्नन्ति कुर्वन्ति । कां ? प्रीति स्नेहं । काः ? वेश्याः । क ! धनहीने । किविशिष्टे ? कामदेवेऽपि । तथा च भागुरि:---
न सेव्यते धनहीनः कामदेवोऽपि चेत्स्वयं ।
वेश्याभिर्धनलुब्धाभिः कुष्टी चापि निषेव्यते ॥१॥ अथ भूयोऽपि वेश्यास्वरूपमाहस पुमानानायतिसुखी यस्य सानुशयं वेश्यासु दानं ॥४९॥ टीका-स पुमान् पुरुषः सुखी स्यात् सुखाढ्यो भवति । कस्यां ? आपयत्यां परिणामे भविष्यत्काले । यस्य किं ? दानं । किंविशिष्टं ? सानुशयं सखेदं । कासु ? वेश्यासु । यस्य पुरुषस्य वेश्यासु विषये सानुशयं दानं भवति स आयत्यां परिणामे सुखी भवति । तथा च नारदः--
प्रदानं यस्य वेश्यायां भवेत्सानुशयं सदा ।
परिणामे सुखादयोऽयं जायते नात्र संशयः॥१॥ अथ वेश्यादानप्रसक्तस्य पुरुषस्य यद्भवति तदाह
Jain Education International
For Private & Personal Use Only
www.jainelibrary.org
