________________
मंत्रिसमुद्देशः ।
१३९
मंत्री राजद्रव्यलम्पटो भवति तस्य स्वामिनः कुतो राज्यकृत्यानि स्युः ।
तथा च विदुर:
दुग्धमाक्रम्य चान्येन पीतं वत्सेन गां यदा ।
तदा तक्रं कुतस्तस्याः स्वामिनस्तृप्तये भवेत् ॥ १ ॥
अथ पुरुषाणां स्वरूपमाह
तावत्सर्वोऽपि शुचिर्निःस्पृहो यावन्न परवरस्त्रीदर्शनमर्थागमो
वा ।। १०९ ।।
टीका - सर्वोऽपि जन: तावच्छुचिर्निर्मल निस्पृहो यावत्परवरनारी नावलोकयति, तावच्च निस्पृहो यावत्परवित्तं न पश्यति । तथा च वर्ग:तावच्छुचिरलोभः स्यात् यावन्नेक्षेत्परस्त्रियं । वित्तं च दर्शनात्ताभ्या द्वितीयं तत्प्रणश्यति ॥ १ ॥ अधादुष्टस्य दूषणेन कृतेन यद्भवति तदाह-अदुष्टस्य दूषणं सुप्तव्यालप्रबोधनमिव ॥ ११० ॥ टीका — दोषरहितस्य पुरुषस्य यन्मूर्खेण दूषणं दीयते । तत्किमिव ? सुप्तव्यालप्रबोधनमिव सुप्तस्य सर्पस्य व्याघ्रस्य वा बोधनं बोधयितुः मरणाय भवति । तथा च गुरुः
सुखसुप्तमहिं मूर्खो व्याघ्रं वा यः प्रबोधयेत् । स साधोद्वेषणं दद्यान्निर्दोषस्यात्ममृत्यवे ॥ १ ॥
अथ वैरं कृत्वा वैरिणा सह सन्धानं करोति तस्य यद्भवति तदाहसकृद्विघटितं चेतः स्फटिकवलयमिव कः सन्धातुमीश्वरः ।। १११ ॥
१ अस्मादग्रे " येन सह चित्तविनाशोऽभूत् स सन्निहितो न कर्तव्यः सूत्रमुपलभतेऽन्यत्र ।
Jain Education International
For Private & Personal Use Only
"
इति
www.jainelibrary.org
