________________
विद्यावृद्धसमुद्देशः ।
६३
शिष्टानां नीचैराचरन्नरपतिरिहलोके स्वर्गे च महीयते॥६६॥
टीका---(यो नरपंतिः शिष्टानां नीचैराचरन् इह लोके) माहात्म्यमवाप्नोति स्वर्गेऽपि देवैः पूज्यते । तथा च हारीत:
साधुपूजापरो राजा माहात्म्यं प्राप्य भूतले ।
स्वर्गगतस्ततो दवैरिन्द्राद्यैरपि पूज्यते ॥ १ ॥ अथ राजा यादृशो भवति तदाह---
राजा हि परमं दैवतं नासौ कस्मैचित्प्रणमत्यन्यत्र गुरुंजनेभ्यः ॥ ६७॥
टीका-योऽसौ राजा स किंविशिष्टः ? परमं दैवतं कर्तारमित्यर्थः । तेन कस्यचिन्नम्रतां न गच्छति । अन्यत्र गुरुजनेभ्यः पूज्यान् मुक्त्वा मातृपितृपूर्वकान् । तथा च भृगुः
अग्नेरिन्द्रस्य सोमस्य यमस्य वरुणस्य च
तेजसास्य नृपस्तेन कस्यचिन्न नतिं व्रजेत् ॥ १॥ अथाशिष्टसकाशाद्विद्याया यद्भवति तदोहवरमज्ञानं नाशिष्टजनसेवया विद्या ॥ ६८ ॥
टीका-वरं प्रधानमज्ञानं मूर्खत्वं नाशिष्टजनसेवया दुर्जनसुश्रूषया विद्याया आप्तिः । तथा च हारीत:
वरं जनस्य मूर्खत्वं नाशिष्टजनसेवया ।
पांडित्यं यस्य संसर्गात् पापात्मा जायते नृपः ॥ १॥ अथ शिष्टसंगादोषमाहअलं तेनामृतेन यत्रास्ति विषसंसर्गः ॥ ६९ ॥ १ शिष्टेष्विति मु. मू. पुस्तके । २ रिह परत्र च महीयत मु-पुस्तके, परलोके इति मू-पुस्तके पाठः। ३ कंसस्थः पाठः कल्पितः,। ४ परं देवं मूपुस्तके टीकायां च ५ देवगुरुजनेभ्यः मू-पुस्तके.
Jain Education International
For Private & Personal Use Only
www.jainelibrary.org
