________________
३९
अवचन मुनिभिरर्थ्यां पश्यतस्तीर्थवीथीं, भवति भवविरक्ता धीर वीरात्मनोऽपि ॥३१॥ श्रेयः श्रेष्ठवसिष्ठहोमहुतभुक्कुण्डान्मृतण्डात्मजप्रद्योताधिकदेहदीधितिभ र: कोऽप्याविरासीन्नरः । तं मत्वा परमारणकरसिक स व्याजहार श्रुतेराधारः परमार इत्यजनि तन्नाम्नाऽथ तस्यान्वयः ॥३२॥ श्री धूमराजः प्रथमं बभूव, स्वासवस्तत्र नरेंद्रवंशे । भूमिभृतो यः कृतवानभिज्ञान् पक्षद्वयोच्छेदनवेदनासु ॥३३॥ अंधुकध्रुवभटादयस्तत-स्ते रिपुद्विपघटाजितोऽभवन् । यत्कुलेऽजनि पुमान्मनोरमो, रामदेव इति कामदेवजित् ।।३४।। रोदःकन्दरवत्तिकीतिलहरी लिप्ताऽमृतांशुद्युतेरप्रद्युम्नवशो यशोधक्ल इत्यासीत्तनूजस्ततः । यश्चोलुक्यकुमारपालनृपति प्रत्यथितामागतं, मत्वा सत्वरमेव मालवपति बल्लालमालब्धवान् ।।३५॥ शत्रुश्रेणीगलविदलनोन्निद्र निस्त्रिशधारो, धारावर्षः समजनि सुतस्तस्य विश्वप्रशस्यः । क्रोधाक्रांतप्रधनवसुधानिश्चले यत्र जाताश्च्योतन्नेत्रोत्पलजलकणा: कोंकणाधीशपल्यः ॥३६॥ सोऽयं पुनर्दाशरथिः पृथिव्या-मव्याहतौजाः स्फुटमुज्जगाम । मारीचवैरादिव योऽधुनापि (म) गव्यमव्यग्रमतिः करोति ॥२७॥ सामंतसिंहसमितिक्षितिविक्षतौज:श्रीगुर्जरक्षितिपरक्षणदक्षिणासिः । प्रल्हादनस्तदनुजो दनुजोत्तमारिश्चारित्रमत्र पुनरुज्ज्वलयाँचकार ॥३८॥ देवी सरोजासनसंभवा कि कामप्रदा किं सुरसौरभेयी । प्रल्हादनाकारधराधरायामायातवत्येष न निश्चयो मे ॥३८॥ धारावर्षसुतोऽयं, जयति श्री सोमसिंहदेवो यः । पितृतः शौर्य विद्यां, पितृव्यकाहानमुभयतोजगृहे ॥४०॥ मुक्त्वा विप्रकरानरातिनिकरानिज्जित्य तत्किचन, प्रापत्संप्रति सोमसिंहनृपतिः सोमप्रकाशं यशः ।
Jain Education International
For Private & Personal Use Only
www.jainelibrary.org
