________________
धर्मोपदेशमालायाम् असणीवेगो पत्तो जह जुज्झमासि तेण सह घोरं । सो वि य पुत्त-वहेणं पट्टविओ नरवइ-सुएण ॥ पिइ-भाइ-मरण-तविया जह संझावली समोण्हविया । चंदेण जहा पत्ता वेयड्ढे माणसं पुण वि ॥ आसासिऊण गुरुणो महिंदसीहेण जह भमंतेण । दिट्ठो सर्णकुमारो सर-तीरे खहयरी-सहिओ ॥ वेयड्ढे जह पत्ता पुणो वि मुणि-वयण-कंचुइ-कहिए । पुत्वभवे परिणीयं चंदस्स सयं पि धूयाए । विजाहराहिवत्ते चंदं अहिसिंचिऊण निय-नयरे । पत्तो सणंकुमारो महिंद-खयरिंद-ब(व)हु-सहिओ॥ गुरुणो जह परितुहा महिंदसीहो य पादिओ कित्तिं ।
आणंदिय सयल-जणं वद्धावणथं जहा आसि ।। जहा य-सोलस-जक्ख सहस्सा तदुगुणा राईणो तओ दुगुणा ।
रमणीओ नव निहिणो चोद्दस रयणाणि भरहं च ।। सिद्ध इमंमि जाओ चकहरो तियसनाह-संकासो । अणुहवइ महाभोगे जम्मंतर-जणिय पुण्णेण ॥ जह सुरनाहो जंपइ सणंकुमारस्स जारिसं रूवं । तं कत्तो तियसाण वि ? का चिंता खयर-मणुएसु ? ॥ सुरवइणो तं वयणं असद्दहंता दुवे सुरा पत्ता । दिट्ठो जहोवइट्ठो बंभण-रूवेहिं देवेहिं ॥ अभंगिओ नरिंदो तेण वि आगमण-कारणं पुट्ठा । तुह रूव-दंसणत्थं तं दिटुं सिट्टमेएहिं ॥ केरिसमहुणा रूवं ? हायालंकारियस्स मे रूवं । पेच्छेजह पट्टविया दटुं व्हायं पुणो विलिया । नरवइणा ते भणिया हरिस-ट्टाणम्मि दुमणा कीस ? । कत्तो हरिस-ट्ठाणं? सवं साहेति हरि-भणियं ।। जारिसयं ते रूवं पुवं ते पुलइयं तओ इहि । वइ अणंत-हीणं वहुविह-वाहीहिं जं भिन्नं ॥ 'जस्स करणं पावं कीरइ जइ नाम भविय अणिचं । असुइ-विरसावसाणं बहुविह-दुक्खाण कुलभवणं ॥ ता रजाइ-समुब्भव-पावेण अलं' ति भाविउं धीरो । नरवइ-सहस्स-सहिओ निक्खंतो जिणवर-मयम्मि । गहणासेवणरूवं किरियं नाऊण कुणइ रन्नम्मि । घोरं महातवं सो अह उदिता सव-वाहीओ ॥
Jain Education International
For Private & Personal Use Only
www.jainelibrary.org
