________________
महोपाध्यायमेघविजयगणिकृतं
[ दशमः सर्गः
5
15
उच्चतां नरपतेनिलयास्ते शूरराजवसुसंपदमभ्रे । संग्रहीतुमिव केतुकरैः स्वैर्भेजिरेऽजिरमणीरमणीयाः ॥ ६६ ॥ पातिसाहिसदनेष्वनुरूपं रूपमद्भुततयाऽप्रतिरूपम् । किं विमृश्य रविजातिगभीरा वीक्षते शफरिकापरिवत्तैः ॥ ६७ ॥ राजराजधृतराजतपट्टवेश्मविस्मयकरद्युतिपुरैः।। तर्जितो हिमगिरिगलतीव पूज्यतामुपगतोऽपि पुरारेः ॥ ६८ ॥ भूपसद्मनिवहः खसुरूपं न न्यरूपयदयं भुवनेऽपि । तद्दिदृक्षुरिव मस कलिन्दकन्यकापयसि बिम्बमधत्त ॥ ६९॥ सार्वभौमरविमुख्यगृहस्य छत्रतां कलयतेऽम्बुजवन्धुः। पूर्णिमा हिमकरद्युतिसाधुमाधुरी भजति चामरवृत्तिम् ॥ ७० ॥ पूर्वयोदयगिरिः परयाऽऽस्तभूभृदुत्तरदिशाहिमशैलः। आदधे मलय एवमपाच्या राजसौधमिति मध्यभुवाऽपि ॥७१॥ आगमेऽभ्युदयभूधरशृङ्गे ज्योतिषामहिमगुप्रभृतीनाम् । मङ्गलं भवति दर्पणरूपे पातिसाहिसदने खविलोकात् ॥ ७२॥ विस्तृतत्रिभुवनक्षितिभर्तुर्यद् यशः सुरतरुगरिमादयः । तस्य मूलमनुकूलतयैतद् भासतां सदनमप्यलघीयः ॥ ७३ ॥
[इति श्रीपातिसाहिगृहवर्णनम् ] श्रेष्टिनां सदनसंततिरस्यां भूपसौधपरिवारतयैव । रामणीयकमधादू बहुधा तु धातुमुख्यमणिजन्ममयूखैः॥ ७४ ॥ अस्ति यत्र विबुधः सकलोऽपि दिव्यरूपवसनाभरणेन । नेह गेहरचनासु विमानशोभया भजति कश्चन चित्रम् ॥७५ ॥ पर्वतैः किमिव पर्वतभेत्तुः सर्वतः सपदि शङ्कितचित्तैः। स्थापितानि शिखराणि विमृश्य निर्भयस्थलमिदं गृहरूपात् ॥ ७३ ॥ तुगतामधिगताः स्वविभूनां जाति-धर्म-धन-भाग्यमहत्त्वैः । उज्ज्वला इव तदध्यवसायै रेजिरेऽत्र निलयाध्यवसायैः ॥ ७७॥ कामकेलिललितेष्वबलानां साहसाद्भुतरसेन निवासाः। स्थैर्यमभ्युपगता इव गुञ्जन्मइँलध्वनिभिरेव विनेदुः ॥ ७८ ॥ दह्यमानबहलागरुधूपादुद्भवदलयसत्कलयेव । छत्रिणः स्फुटचलाचलकेतुचामरैर्वभुरमी नृपतुल्याः ॥ ७९ ॥ चान्द्रसान्द्रजलनिर्झरणेन क्षीरसागरतरङ्गनिषताः। आलयाः कमलया सहयोगस्तेषु युक्ततर एव नरस्य ॥ ८०॥ कामरागवशतः सुमनोभिः कामरा विदधुरालयलीलाम् । पामरा इव तदीक्षणलुब्धा नामरा विदधते दिवि वासम् ॥ ८१ ॥
20
25
30
Jain Education International
For Private & Personal Use Only
www.jainelibrary.org