Page Text
________________
६०
खरतरगच्छालंकार
रत्न - विजयरत्नसाधवो मुक्तिचन्द्रिका साध्वी च स्तम्भतीर्थ - आशापल्ली - वागड-बटपद्रकादिसंघ मेलापकेन विस्तरेण दीक्षिता, मालारोप - परिग्रहपरिमाणादिनन्दि महोत्सवश्च संजातः ।
सं० १३४८ वैशाख सुदि ३, श्रीप्रह्लादनपुरे वीरशेखरस्य अमृतश्री साध्व्याश्च दीक्षा, त्रिदशकीर्त्ति गणेर्वाचनाचार्यपदम् । तस्मिन्नेव वर्षे श्रीपूज्यैः सुधाकलश - मुनिवल्लभसाधुपरिवृतैर्गणियोगतपश्चक्रे ।
सं० १३४९ भाद्रपद वदि ८, साधर्मिकसत्राकारस्य संघ पुरुषस्य सा० अभयचन्द्रसुश्रावकस्य संस्तारकदीक्षा, अभयशेखर इति नाम । मार्गशीर्ष वदि २, यशः कीर्त्तिदीक्षा ।
सं० १३५० वैशाख सुदि ९, करटक - अर्बुदादिविहितसविस्तरतीर्थ यात्रा सफली कृतजन्मजीवितस्य वरडियानगरसर्वाधिकारिणो नवलक्षककुलोत्तंसस्य भां० झांझणसुश्रावकस्य सकलवपक्ष-परपक्षचमत्कारकारिणी संस्तारकदीक्षा, तिलकराजर्षिरिति नाम ।
सं० १३५१ माघ वदि १, श्रीप्रह्लादनपुरे श्रीयुगादिदेव विधिंचत्ये मं० तिहुणसत्कश्रीयुगादिदेव-श्रेष्ठि वीजासत्कश्रीमहावीरबिम्बप्रमुखाद्भुतबिम्बानां चत्वारिंशदधिकषट्शतीप्रमाणानां महं० तिहुण श्रे० वीजासुश्रावकाभ्यां समुदायसहिताभ्यां विस्तरेण प्रतिष्ठा महामहोत्सवः कारितः । पञ्चम्यां श्री पूज्यानामनेकसाधु साध्वीश्रावक श्राविका परिवृतानां मालारोपमहामहोत्सवनन्दिः, विश्वकीर्त्तिसाधोर्हेमलक्ष्मी साध्व्याश्च दीक्षा । ८०० (१)
८१. सं०१३५२ जिनचन्द्रसूरिगुरूपदेशेन वा० राजशेखरगणिः सुबुद्धिराजगणि-हेमतिलकगणि- पुण्यकीर्तिगणिरत्नसुन्दरमुनिसहितः श्रीवृहद्रामे विहृतवान् । ततश्च तत्रत्यठ० रत्नपाल - सा० चाहडप्रधान श्रावकप्रेषिताभ्यां सभ्रातृहेमराज - भागिनेयवांचूश्रावकाभ्यां सपरिवाराभ्यां सा० बोहिथपुत्रेण सा० मूलदेव श्रावण श्रीकौशाम्बी-वाणारसीकाक्रिन्दी - राजगृह - पावापुरी - नारिन्दा - क्षत्रियकुण्डग्राम अयोध्या - रत्नपुरादिनगरेषु जिनजन्मादिपवित्रितेषु तीर्थयात्रा कृता । तैः श्रावकैः सार्धं समुदायसहित पूर्वविहितहस्तिनागपुरयात्रेण वा० राजशेखरगणिना सपरिवारेणैतानि तीर्थानि वन्दितानि । राजगृहसमीपे उदंडविहारे चतुर्मासी कृता, मालारोपणादिनन्दिमहोत्सवश्च कृतः । तथा तत्रैव वर्षे नानाद्भुत पुण्यवल्ली श्री श्री भीमपल्लीतः सा० धनपालसुश्रावकसत्पुत्र सा० भडसीह - सा० सामलश्रावककृतसंघेन श्रीप्रह्लादनपुरीय - भीमपल्लीय - श्रीपत्तनीय- सत्यपुरीयाद्यनेकस्वपक्ष- परपक्षमेलापकेन च सार्धं प्रस्थाय वाक्चातुरीपराभूतगीर्वागोपाध्याय -श्रीविवेकसमुद्रोपाध्यायप्रमुखसुसाधुमण्डली परिवृतैर्जगत्पूज्यैः श्रीमत्पूज्यैः श्रीशङ्खवरपुरालङ्कारचूडामणिचिन्तातीत सुसम्पादनापहस्तितचिन्तामणिः संसारदुःखदावाग्निपाथः श्रीपार्श्वनाथः प्रणतः । तत्र च श्रीसंघेन नात्रपूजा उद्यापनक ध्वजारोपादिमहोत्सवा विहिताः । ततः सर्वसंघसमन्विताः श्रीमत्पूज्याः श्रीपत्तने समाजग्मुः । तत्र च श्रीशान्तिनाथविधिचैत्ये सविस्तरध्वजारोपादिमहोत्सवपूर्व कनानाविधवाद्यमाननान्दीतूर्यप्रवर्तमानाङ्गनाचङ्गनृत्येषु सकलपत्तनमध्यस्थसमस्तचैत्येषु विस्तरेण चैत्यपरिपाटी विधाय, श्रीपूज्याः श्रीभीमपल्लयां समायाताः । पश्चाच्छ्री वीजापुरीय समुदायाभ्यर्थनया वीजापुरे चतुर्मासी कृता । तत्र च सं० १३५ [३१] मार्गशीर्ष कृष्णपञ्चम्यां श्रीवासुपूज्यविधित्ये मुनिसिंह - तपः सिंह- जयसिंहसाधवो दीक्षिताः, मालारोपणादिनन्दिमहोत्सवश्च संजातः ।
ततः श्रीजाबालिपुरे तत्समुदायाभ्यर्थनया विहारः । तस्मिन्नेव संवत्सरे सा० सलखण श्रावक पुत्ररत्न सा० सीहा श्रावक - माण्डव्यपुरीय सा० झांझणसत्पुत्रसा० मोहन श्रावकाभ्यां निर्मितसंघेन श्रीजावालिपुरीय - श्रीशम्यानयनीयश्रीजेसलमेरवीय - श्रीनागपुरीय-रुणापुरीय - श्रीमालीय - सत्यपुरीय - प्रह्लादनपुरीय- भीमपल्लीयाद्यनेकमहर्द्धिक - श्रीमालज्ञातिमण्डन श्रीयोगिनी पुरवास्तव्य सा० बाह्रासु श्रावकपुत्र सा० लोहदेवप्रमुखप्रभूतश्रावकमेलापकविभूषितेन मार्गानवरतविरचितावारितसत्रचैत्य परिपाट्यनेकमहामहोत्सवेन श्रीजाबालिपुराद् वैशाख कृष्णपञ्चम्यां प्रस्थाय, प्रभूतमुनिमण्ड
Jain Education International
For Private & Personal Use Only
www.jainelibrary.org
| SR No. | 002780 |
| Book Title | Khartar Gacchha Bruhad Gurvavali |
| Original Sutra Author | Jinpal Upadhyaya |
| Author | Jinvijay |
| Publisher | Singhi Jain Shastra Shiksha Pith Mumbai |
| Publication Year | 1956 |
| Total Pages | 148 |
| Language | Sanskrit, Hindi |
| Classification | Book_Devnagari & History |
| File Size | 13 MB |