Khartar Gacchha Bruhad Gurvavali

SR No.: 002780
Original Sutra Author: Jinpal Upadhyaya
Author: Jinvijay
Publisher: Singhi Jain Shastra Shiksha Pith Mumbai
Publication Year: 1956
Total Pages: 148
Language: Sanskrit, Hindi
Classification: Book_Devnagari & History
File Size: 13 MB

Page 122

९५
वृद्धाचार्यप्रबन्धावलिः । तओ कहियं तेण-'मम हिंसाईणि पयच्छह' । गुरुणा भणियं-'मम अग्गे एवं मा भणह । अहं तुम्हाणं दढबंधणेण बंधामि' । तओ सूरिणा मंतो जविओ। तओ कहिय-'सामि ! तुम सबजीवदयापालगो ममं कहं पीडेहि' । सूरिणा भणिय-'गच्छ इत्थ ठाणाओ । तेण कहिय-'किंचिवि ममं पयच्छह' । तओ भणिय-'किं पयच्छामि ? । घियगुडसहियं चुम्नं पयच्छह मम' । तओ साहिणा कहियं पयच्छामि । गुरूहि भणिय-'कहं जाणामि तुमं गओ ?'. कहियं तेण-'मम गच्छंतस्स असुगपिप्पलस्स साहा पडिस्सइ, तओ जाणिजाहि' । तओ रयणीसमए तं चेव जायं । पभाए सजीजाया बालादेराणी । दट्टण साहिणो म[हा]हरिसो जाओ। निवेइयं तस्स-'पिए तुमं कत्थ आसि जओ न एस महाणुभागो आगओ इंतो' । तओ एवं सोऊण भणिय तीई-सामि ! एस मम पियासारिसो, जया एस महप्पा आगच्छइ तुम्हपासे तया तुम एयस्स आगइसागई करिस्ससु, अद्धासणे निवेसेह' । तओ तेण तह त्ति पडिवणं । एस राया गुरुसमीवे गच्छइ । गुरुं नियगिहे आणेइ । अद्धासणं दलइ । एवं सुहंसुहेणं वच्चइ कालो। तओ सबपासंडाण पवेसो जाओ।
१३. इत्थ पत्थावे वाणारसीओ समागओ राघवचेयणो बंभणो चउदसविजापारगो मंतजंतजाणओ । सो आगंतूण मिलिओ भूवं । साहिणा बहुमाणो कओ । सो निच्चमेव आगच्छइ रायसमीवे । एगया पत्थावे सहा उवविट्ठा । सूरिराघवचेयणपमुहा कहाविणोयं चिट्ठति । तओ राघवचेयमेण चिंतियं दुट्ठसहावं एयं जिणप्पहसूरि दोसवंतं काऊण निवारयामि इत्थ ठाणाओ। एवं चिंतिऊण साहिहत्थाओ अंगुलीयं विजाबलेण अवहरिऊण जिणप्पहसूरिरयहरणमझे पक्खित्तं, जहा सूरी न जाणइ । तओ पउमावईए निवेइयं सूरिस्स । तुम्हाणं तकरीदाउकामो राघवचेयणो । साहिपासाओ मुद्दारयणं गहिऊण तुम्ह रयहरणमझे ठविओ। सावहाणा हवह तुब्भे। तओ सूरिणा तं मुद्दारयणं । गहिऊण राघवचेयणस्स सीसवत्थे पक्खित्तो जहा सो न जाणइ । तओ महम्मदसाहि पासइ, मुद्दारयणं नत्थि । पच्छा अग्गओ पासइ । न पासइ तं मुद्दारयणं । साहिणा निवेइयं-'इत्थ मम मुदारयणं आसि, केण गहिये ?' । तओ राध. वेण निवेइयं-'साहि ! एयस्स सूरिसमीवे अच्छई' । सूरिं पइ साहि मग्गिउं लग्गो । सरिणा भणिय-'साहि एयस्स समीवे अच्छइ' । तेण नियवत्थाणि दंसियाणि । सूरिणा भणिय-'साहि अस्स सीसे अच्छई । तओ मुद्दाऽवलोइया । गहियं साहिणा । कहियं राघवचेयणस्स-'धन्नोसि णं तुम सञ्चवाई। सयं गहिऊण जिणपहसूरिस्स दूसणं देसि'. तओ साममुहो संजाओ । नियगिहं पत्तो।
१४. अन्नया चउसट्ठिजोगिणी सावियारूवं काऊण मूरिसमीवे छलणत्थमागया । ता सामाइयं गहिऊण वक्खाणं निसुणंति । पउमावइए निवेइयं सूरिस्स-'तुम्ह छलणत्थं एयाओ चउसट्ठिजोगिणीओ समागयाओ' । सूरीहिं अवलोइयाओ ताओ। पासंति अणमिसनयणं सूरिगयदिट्ठीओ वक्खाणरसलुद्धाओ । तओ सूरीहिं कीलियाओ ताओ सबाओ । उवएसपच्छा सव्वे सावया सावियाओ वंदिय नियगिहे पत्ताओ। ताओ आसणाओ जओ उवविट्ठति तओ आसणसहिय लग्ग पासंति । पासित्ता पुणरवि उवविट्ठाओ। पुणरवि सूरीहि भणियं-'साविया ! रिसिणो वियारभूमि-विहारभूमिवेला संजाया । तुब्भे वंदह' । तओ तेहि भणियं-'सामि ! अम्हे तुम्ह छलणत्थमागया। परं तुन्भे अम्हे छलिया । कुणह पसायं, मोयह अम्हाणं' । सूरिणा भणियं-'जइ मम वाया दलह तओ मुच्चामि नन्नहा' । 'वयह का वाया?' । 'जइ मम गच्छाहिवइणो तुम्ह जोगिणीपीठे वचंति तेसिं तुब्भे न उवद्दवे कुणह, तओ मुंचामि' । तेहिं तह त्ति पडिवन्नं । ताओ उक्कीलियाओ नियनियठाणं गयाओ। तो आयरिया सव्वत्थ गच्छति । न उवद्दवो जायइ तस्स । ताओ नियवाचावद्धाओ चिट्ठति ।
१५. अन्नया सहाउवविट्ठो सूरी । खुरासाणाओ सविज्जो एगो कलंदरो समागओ। तेण आगंतूण नियकुल्लहं उत्तारेऊण गयणे खिवियाओ । कहियं महम्मदसाहिणो-'साहि ! सो कोवि अत्थि तुम्ह सहाए, जो एवं उत्तारेइ ?'