Khartar Gacchha Bruhad Gurvavali

SR No.: 002780
Original Sutra Author: Jinpal Upadhyaya
Author: Jinvijay
Publisher: Singhi Jain Shastra Shiksha Pith Mumbai
Publication Year: 1956
Total Pages: 148
Language: Sanskrit, Hindi
Classification: Book_Devnagari & History
File Size: 13 MB

Page 123

वृद्धाचार्यप्रबन्धावलिः । साहिणा सहा अवलोइया । तओ सूरी महम्मदसाहिं पइ एवं वयासी-'पस्सह राया जं मए एयस्स कायवं'। तओ सूरिहिं आगासे रयहरणं खिविओ। गंतूण तस्स कुल्लहस्स मत्थए पाडियाओ। तओ तेण कलंदरेण पुणरवि एगाए इत्थीए जलघडयमाणीयमाणं सीसे आगासे थंभियं अंतलिक्खे । कहियं साहिस्स । पुणरवि सूरीहिं तं घडयं भंजिऊण जलं कुंभायारं कयं । साहिणा भणिय-'जलस्स कणफुसियं कुणह' । तेण तहेब कयं । कलंदरस्स अहंकारो गओ । पुणरवि सहोवविटेण साहिणा भणियं-'अञ्ज मे सहोवविट्ठा जाणया कहसु, पभाए केण मग्गेण अहं वच्चामि रेवाडीए । तओ सवेहिं नियनियबुद्धीए चिंतिऊण लिहिऊण य दिन्नं चिट्ठीए साहिस्स । साहिणा भणियं-'सूरि! तुम्हमवि दलह' । सूरिणा वि नियबुद्धीए चिट्ठी दत्ता। तओ सबाओ नेऊण नियउत्तरिए बद्धाओ । साहिणा चिंतियं-जहा एए सवे असञ्चवाइणो होंति तहा करेमि । एवं चिंतिऊण वंदर(ण ?)बुरजाओ भजिऊण निग्गओ। गंतूणं बाहिं कीडा कया। एगट्ठाणोवविठ्ठा मूरिपमुहा सवे आहूया । कहियं च तेसिं-'वायह नियनियलिहियं' । तेहिं सवेहिं नियनियलिहियं वाइयं । मूरिस्स कहियं-'नियलेहं वायह'। तओ वाइयं आयरिएण-'वंदण(र ?)बुरजाओ भंजिऊण कीडं काऊण वडपायवस्स अहे विस्सामं काही-एवं निसुणिऊण चमकरिओ साही-'भो एस आयरिओ परमेसरसारिसो। एयस्स सेवं देवावि कुणंति' । तओ साहिणा भणियं-'जिणप्पहसूरि ! एस वडो सीयच्छाओ मणोहरो तहा करेह जहा मम सह गच्छई' । तहेव कयं । तओ पंचकोसाणंतरं सूरिणा भणियं-'साहि! एयं तरं विसजेह । जहा नियठाणं गच्छई। साहिणा विसजणं कयं तस्स रुक्खस्स। १६. अन्नया कन्नाणापुरस्स महावीरो मिच्छेहिं नेऊण साहिपोलिदुवारे पाडिओ अहोमुहं । तस्सोवरि लोया आयंति जंति । तओ जिणपह सूरी समागच्छइ । पासइ तदवत्थं पडिमं । मज्झे गंतूण साहिस्स निवेइयं सूरीहिं-'साहिं एगं पत्थयामि तुम्ह समीवं, जइ दलह' । तओ साहिणा भणियं-'मग्गह जं देमि' । तओ पओलिदुवारडिओ मग्गिओ महावीरो । तओ साहिणा नियसमीवे आणाविओ महावीरो। जओ तं पासइ अब्भुययरं चित्तहरं । सूरि पइ एवं भणइ-'नो दाहामि तुम्हाणं' । तओ सूरीहिं भणियं-'अम्हाणं आगमणं निरत्थयं जायं' । तओ साहिणा कहियं-'जइ एयं मुहे बुल्लावेह तया दाहामि' । सूरीहिं भणियं-'जइ एअस्स पूयासकारं कुणह तओ भासइ' । साहिणा तहाकयं । पुजोवगरणं काऊण हत्थे जोडिऊण भणइ-'करिय पसायं वयह' । तओ दाहिणहत्थो पसारिऊण एवं भणइ महावीरो
विजयतां जिनसासनमजलं.विजयतां भुवाधिपवल्लभा।
विजयतां भुवि साहि महम्मदो, विजयतां गुरुसूरिजिणप्रभः ॥१॥ तओ गुरुमुहाओ अत्थं आइनिऊण तुट्ठो साही-'भासह एयस्स किं दलामि ?' | सूरीहिं भणियं-'साहि ! एस देवो सुरहिदव्वेहिं तूसइ' । तओ साहिणा भणियं-'दुनि गाम दिन्नं, खरह-मातंडो' । ते सावया कागतूंडं नेऊण धूवो गाहंति सया । सुलताणेण तस्स पासाओ काराविओ । राघवचेयणसंन्नासी जिओ। सुलताणस्स करमुद्दियारयण राघवचेयणस्स सीसे ठाविओ। संकमणं दरिसियं । पुणो सुरत्ताणो सेतुजे नेऊण संघाहिवो कओ । रायणिरुक्खो दद्धेहि वरिसाविओ। अमावसितिहीउ पुन्निमातिही कया।
खंडेलपुरे नयरे तेरस्सए चउत्ताले । जंगलया सिवभत्ता ठविया जिणसासणे धम्मे ॥१॥
१६. तेसिं च सरूवं भन्नइ-एगया खंडेलवालगुत्ता विन्दुभत्ता दव्वं समजिउं गुडखंडाइववहारं कुणमाणा चिट्ठति । वावारं कुणंताणं बहुया वासरा अइया । गुडो बहुयरो ठिओ । तस्स महुकरणहूँ सेवया अणुन्नाविया । तओ मज कारिऊण विकिणियं लग्गा। लोएवि मजकारगा विक्खाया। केहिं च गुरुउवएसा मजववहारो चत्तो। केई पुण तं परिचत्तुं असत्ता तं चेव ववहारमाणा ठिया । तओ जिणप्पहसूरी पउमावईउवएसा पडिबोहिओ जंगलगुत्तो॥
॥ इति श्रीजिनप्रभसूरिप्रबन्धः ॥१०॥