Khartar Gacchha Bruhad Gurvavali

SR No.: 002780
Original Sutra Author: Jinpal Upadhyaya
Author: Jinvijay
Publisher: Singhi Jain Shastra Shiksha Pith Mumbai
Publication Year: 1956
Total Pages: 148
Language: Sanskrit, Hindi
Classification: Book_Devnagari & History
File Size: 13 MB

Page 121

वृद्धाचार्यप्रबन्धावलिः । नामभट्टारगो जिणसासणस्स पभावगो होही । इय वयणं सुच्चा जिनसिंघसरी तत्थ गओ । महया महोच्छवेण सावगेण पुरप्पवेसो कओ। पच्छा महाधरसिट्ठिगिहे गओ सूरी। दट्ठण आयरियं सत्तट्टपयं सम्मुहं गच्छइ । वंदिऊण आसणे निमंतिओ-'भगवन् ! ममोवरि महप्पसाओ तुमे कओ जेण मम गिहे समागया। परं आगमणप्पयोयणं वयह' । तओ गुरुणा भणियं-'भो महाणुभाव ! तुम्ह गिहे सीसनिमित्तं समागओहं । मम एगं पुत्तं वियरह' । तओ तेण तह त्ति पडिवणं । तओ तेण अन्ने पुत्ता संसकारं काऊण वत्थादिणा आणीया । कहियं-'एयस्स मज्झे जो तुम्हाणं रोयइ तं गिण्हह' । गुरुणा भणियं-'एए पुत्ता दीहाउया तुम्ह गिहे चिटुंतु । परं जो सुहडपालो बालो तं वियरह' । तहेव कयं, विहराविओ, सुमुहुत्ते दिक्खिओ य । तेरहसयछवीसावरिसे दिक्खं सिक्खं दाऊण पउमावईमंती समप्पिओ। कमेण गीयत्थचूडामणी संजाओ। तेरहसयइकतालवरिसे किढिवाणानगरे जिणसिंघसूरिणा सुमुहुत्ते नियपट्टे थप्पिओ जिणप्पहसूरी । जिणसिंघसूरी देवलोयं गओ । इति जिणसिंघसूरिप्रबन्धः ॥९॥
१०.-जिनप्रभसूरिप्रबन्धः। १२. अहुणा जिणपहसूरिपबंधो भण्णइ-इओ य जिनसिंघसूरिपदे जिणपहसूरी संजाओ । तस्स पुव्वपुण्णवसा पउमावई पञ्चक्खा संजाया । एगया पउमावई पुच्छिया सूरीहिं-'कहसु भगवइ ! मम कत्थ नयरे उन्नई भविस्सई' । तओ पउमावइए लवियं-'तुम्ह विहारो जोगिनीपीढे ढीलीनयरे महुच्छओ भविस्सइ, तत्थ तुम्हे गच्छह'। तओ गुरुणा विहारो कओ। कमेण जोगिणीपुरे [स]मागओ बाहिं वारसा ?)हापुरे उत्तिन्नो । एगया सूरी वियारभूमि गओ संतो, तत्थ अणारिया मिच्छादिट्ठिणो पराभवं काउमारद्धं लेठुमाईहिं । तओ गुरूहिं भणियं-'पउमावइ ! सुटू महुच्छओ संजाओ। तओ पउमावईए तस्स वहगस्स लेट्ठमाईहिं तस्सेव पूया कया। ते अणायरिया पलायमाणा महम्मदसाहिणो समीवे गया। कहियं सूरिव[३] यरं । तओ चमक्कियचित्तो पुच्छेइ-'कत्थ सो अत्थि पुरिसो?' तेहिं निवेइयं-'बाहिं पएसे दिट्ठो अम्हेहिं । तो पहाणपुरिसा आइट्ठा-'गच्छह तुब्भे, तं आणेह इत्थ,जहा तं पस्सामि'। तओ ते गंतूण गुरुसमीवे एवं निवेइयं-'आगच्छह भो सामि ! अम्ह पहुसमीवे । तुमे पयलह' । तओ आयरिया पउलिदुवारे गंतूण ठिया। भिन्चेहिं गंतूण निवेइयं । जाव ते साहिणो निवेययंति,ताव सूरी[हिं] सीसाण कहियं-'अहं कुंभगासणं करोमि। जया साहि समागच्छइ तया तुम्हेहिं कहियवं-एस मम गुरू । तओ सो कहिस्सइ-जारिसो आसि तारिसं कुणह । तओ तुब्भे अल्लवत्थं धरिऊण कंधे ठवेह' । इय वुत्तण गुरू झाणमस्सिओ। कुंभसमाणो संजाओ । तओ आगंतूण महम्मदसाहि सीसं [जं]पइ-'कत्थ तुज्झ गुरू ?' । तेण कहियं 'अग्गओ दीसइ तुम्हाणं'। तओ साहिणा कहियं-'भो ! जारिसो पुट्विं आसि तारिसं कुणह' । तओ सीसेण वत्थं सरसं काऊण सज्जीकया। उट्ठिऊण सूरिणा आसीसा दिन्ना धम्मलाहस्स । तओ कहासंलाओ संजाओ दुन्हवि । तओ साहिणा लवियं-'भो सामि ! अम्ह पाणप्पिया बालादे राणी अच्छइ । तस्स बितरो लग्गो आसि । न सा वत्थाणि गिन्हइ नियदेहे, न सुस्मुसा वि कुणइ । तस्स तुम्हे पसिऊण सजीकुणह । मए मंतजंतचिगिच्छगा आहूया परं जं जं पासइ तं तं ले?-लट्ठिणा हणइ । अहुणा पसायं काऊण तुम्हे पासह ।' गुरुणा भणिय-'तुब्भे गच्छह तस्स समीवे,एवं निवेएह-तुम्हं समीवे जिणप्पहसूरी समागच्छई। साहि[णा] गंतूण कहियं तं वयणं । सोऊण सहसा उढिया। कहियं-'दासि ! आणेह वत्थं । तओ चेडीहिं वत्थं आणिऊण पहिरावियं । तओ साही चमकरिओ। आगंतूण गुरुसमीवे साहियं-'आगच्छह तस्स समीवे पासह तं' । तओ गओ सूरी। तं दट्टण निवेइयं सूरीहिं-'रे दुट्ट! कत्थ तुम इत्थ? गच्छ तुमं अस्स वासाओ'। तेण निवेइयं-'कहं गच्छामि अहं, सुट्ठ गिहं लद्धं'। गुरुणा भणिय-'अन्नत्थ गिह नत्थि ?' तेण भणिय-'नत्थि एयारिसो'। तओ गुरुणा मेहनाओ खित्तेवालो आहूओ, कहियं-'एयं दूरीकुणसु' । तओ मेहनाएण सो वितरो गाढं पीडिओ । तेण वितरेण एवं निवेइयं-'अहं खुहाउरो मम किंचि भक्खं पयच्छह'। 'किं पयच्छामि ।