Kuvalayamala Part 1

SR No.: 002777
Original Sutra Author: Udyotansuri
Author: A N Upadhye
Publisher: Bharatiya Vidya Bhavan
Publication Year: 1959
Total Pages: 322
Language: Sanskrit, English
Classification: Book_Devnagari & Literature
File Size: 10 MB

Page 66

-$७६]
कुवलयमाला 1 जीवे मारेसि तुम जइया रे पाव णिद्दओ होउं । तइया ण पुच्छसि च्चिय कस्स मए किंचि अवरद्धं ॥
मंसं खाइसि जइया जीवाणं चडचडस्स फालेउं । तइया ण पुच्छसि ञ्चिय कस्स मए किंचि अवरद्धं ॥ ३ अलियं जपसि जइया रे पावय पावएण हियएणं । तइया मुद्ध ण-याणसि भणसि मए किं कथं पावं ॥
गेण्हसि अदिण्णयं चिय जइया रे मूढ णिग्घिणो होउं । तइया ण पुच्छसि चिय कस्स कयं किं व अवरद्धं ॥ परदार-मोहिय-मणो जइया रे रमसि अण्ण-जुवईहिं । तइया मूढ ण-याणसि भणसि मए किं कयं पावं ॥ गेण्हसि परिग्गहं रे जइया असराल-लोह-पडिबहो। तइया मूढ ण-याणसि भणसि मए किं कयं पावं ।। रे रे खेलसि जइया रत्तो आहेडयं सराय-मणो । तइया मूढ ण-याणसि एकस्स कए बहुं चुको ॥ आलप्पाल-पसत्तो सुयणे पीडेसि रे तुमं जदया। तइया मूढ ण-याणसि एक्कस्स कए बहुं चुक्को ॥ णिय-जाइ-मओम्मत्तो जिंदसि रे सेसयं जणं जइया । तइया मूढ ण-याणसि एकस्स कए बहुं चुक्को ॥ रोद्दाणुबह-चित्तो मारेमि इमं ति परिणओ जइया । तइया जाणसि सव्वं संपइ मुद्धो तुम जाओ। मोत्तण हरि-हराई जइया तं भणसि को व सव्वण्णू । तइया सव्वं जाणसि एहि रे मुद्धओ जाओ ॥ वेय-विहाण-विउत्तो जइया तं भणसि णत्थि सो धम्मो । तइया सव्वं जाणसि हि रे अयाणओ जाओ ॥ पावारंभ-णियत्ते जिंदसि ते साहुणो तुम जइया । तइया तं चिय जाणसि अण्णो पुण अयणओ सन्चो ॥
ण य संति के वि देवा ण य धम्म मूढ जंपसे जइया । तइया चिंतेसि तुमं में मोत्तं ण-यणए अण्णो॥ 15 मारेह पसुं दारेह महिसयं णस्थि पाव-संबंधो । तइया चिंतेसि तुमं मं मोत्तं ण-यणए अण्णो ।
इय भणमागेहिं चिय फाडेउं चडयउस्स सम्बंगो । विक्खिप्पंति बलीओ मासम्मि सरुहिर-माँसाओ ।
सो वि बहु-पाव-वसओ छिपणो खइरं व खंडखंडेहिं । संगलइ गलिय-देहो पारय-रस-सरिस-परिणामो ॥ 18 हा ह त्ति विलयमाणो छुब्भइ जलणम्मि जलिय-जालोले । खर-जलण-ताव-तत्ते सामिय तिसिओ त्ति वाहरइ ।
अह ते वि णरय-पाला आगे आणे जलं ति जपंता । आणति तंब-तउयं कढमाण-फुलिंग-दुप्पेच्छं ॥ अह तम्मि दिण्ण-मेत्ते गुरु-दाह-जलंत-गलय-जीहालो । अलमलमलं ति सामिय णट्ठा णट्ठा हु मे तण्हा॥ अह ते वि णिरणुकंपा मास-रसो वल्लहो त्ति पंता । अक्कमिऊण गलए संडास-विडंबिओढाणं ॥ धगधगधगेंत-घोरं गलिय गलयम्मि देति ते लोहं । तेण य विलिजमाणा धावंति दिसादिसी तत्तो ॥ खर-जलण-गलिय-तउ-तंब-पूरियं तंब-ताविय-तडिलं । वेयरणिं णाम णई मण्णता सीयल-जलोहं ॥ धावति तत्थ धाविर-मग्गालग्गत-घोर-जम-पुरिसा। हण णिहण भिंद छिंदह मारे मारे त्ति भणमाणा ॥ अह वेयरणी पत्ता झस त्ति झपाउ देंति धावंता । तम्मि विलीणा लीणा पुणो वि देहं णिबद्धंति ॥ तो तस्मि हीरमाणा डझंता कलुणयं विलवमाणा। कह कह वि समुत्तिण्णा परिसडिय-लुलंत-सव्वंगा ।। अह जलण-ताव-तवियं पेच्छंति कलंब-वालुया-पुलिणं । सिसिरं ति मण्णमाणा धावता कह वि पेच्छंति ॥ तत्थ वि पउलिज्जता उध्वत्त-परत्तयं करेमाणा । डझंति सिमिसिमेंता रेणूए चम्म-खंड व्व।।
असि-चक्क-सत्ति-तोमर-पत्तल-दल-सिलिसिलेंत-सदाल । छायं ति मण्गमाणा असिपत्त-वणम्मि धावति ॥ 30 जाव य धावंति तहिं सहसा उद्वाइओ महावाओ । खर-सकर-वेय-पहार-पत्थरुग्घाय-वोमीसो ॥
अह खर-मारुय-पहयं असि-पत्त-वणं चलंत-साहालं । मुंचइ सत्थ-प्पयरं भिंदंति अंगमंगाई।
छिण्ण-कर-चरण-जुयला दो-भाइजंत-सिर-कवालिल्ला । कांत-विणिभिण्ण-पोट्टा दीह-ललंतंत-पब्भारा ॥ 33 गुरु-डाह-डज्झमाणा पेच्छंति तमाल-सामलं जलयं । किर णिव्ववेइ एसो सीयल-जल-सीय-रोहेण ॥
1) Pyr for रे, P has some additional lines aftor अवरद्धं like this: गेह सि अदिन्नयं चिय जइ वा रे मूढ़ निग्धिणो हो । तश्या न पुच्छसि थिय करस मए किंचि पारद्ध ।।. 2) Iom. the gatha: मंसं etc., P फालिउं 3) Pom. ten lines from तश्या मुद्ध etc. to पीडेसि रे तुम जझ्या. 9) J जाइमयम्मत्तो, P संजणं for सेसयं. 10) P मारेसि. 11) Jहरिहरा, अयाणओ for गुद्धओ. 13) P अयाणओ. 14) P धम्मो, P तझ्या for जइया, P मम for मं, P न याणए. 15) Jण आणए P न याणए. 16) P बड़चडरस, P मंसामि for मासम्मि, मांसाओ P मीसाउ. 17) P य हु for बहु, खरो व्व. 18) जालउले, P तत्तो. 19) आगह आग जलं, P जंपति, आणति तउअंतंवं कढ'. 20) JP गलंत for जलंत (emended ), P जीहाला, P सामिय सामिय नट्टाउ मे. 21) P तह for अह, P भणमाणा for जंता, र देती for गलए, P विडिदि. 22) गलयं, J गलियंमि, J ते सित लोहं, P से लोई, P तेण वि विभिन्नमाणा, P दिसादिसिं. 23) P निवड for संब, कटिल for लडिल, P नेति for णाम. 24) P "लग्गंति ज घोर. 25) देंति तावंता, णिबंद्धति P निबंधति. 26) ते for तो, ललंत for लुलंत. 28) P सिमिसिमंता रेणूए मंसखंड वा. 29) P धावंतं. 30) P पावंति for धावंति, P सरसा, Pउद्धावई,J -प्पहार, Pवामीसो. 31) P पयारं छिदंति.32) ललंतं च गुरुभारा. 33) P सीयजल.