________________
( २६० )
श्री कल्पसूत्रार्थप्रबोधिनी.
अङ्गुलिं ध्वनयन्नुवाच-वेने ! परम्पारं जिगमियो मार्ग देहि । तदैव तस्यास्तटद्वयं मिमेल, लोका विस्मयमापुः । सूरिश्च लोकैः सह स्थलवद् ब्रह्मद्वीपमागत्य, तापसपञ्चशतीं प्रतिबोध्य, संदीक्ष्य तैः सह स्वस्थानमागात् । तैरेव ब्रह्मद्वीपिका शाखा जाता। आर्यवज्रसेनतो नागिली, पद्मसूरेः पद्मा, आर्यरथाज्जयन्ती, आर्यपोमिलाल्पोमिला शाखा चाऽऽविरासीत् । तत्र समानवाचनाऽऽचारक्रियापरस्परापेक्षाऽनेककौलिकश्रमणसमूहो गण उच्यते । तत्तद्विशिष्टपुरुषीया विवक्षितैकपुरुषीया वा सन्ततिपरम्परा शाखा निगद्यते । वाचनाऽऽचारक्रियासाम्यमुपेयुषामनेकगच्छानां समुदायः कुलं कथ्यते ।
एतस्याः स्थविरावल्याः प्रान्ते प्रक्षिप्तचतुर्दशप्राकृतगाथोक्तस्थविरेभ्यो गौतम फल्गुमित्र ( १ ) वासिष्ठ - धनगिरि ( २ ) कुत्स - शिवभूति (३) कौशिक - दुर्जयन्त ( ४ ) कौशिक - कृष्ण ( ५ ) काश्यप - भद्र ( ६ ) काश्यप-नक्षत्र ( ७ ) काश्यप - रक्षित ( ८ ) गौतमार्यनाग ( ९ ) वासिष्ठ - जेहिल ( १० ) माठर - विष्णु ( ११ ) गौतम - कालक ( १२ ) गौतम - संपलित ( १३ ) गौतम - भद्रक ( १४ ) गौतमार्यवृद्ध (१५) गौतम - सहपालित (१६) काश्यपार्यहस्ती ( १७ ) सुव्रतार्यधर्म (१८) काश्यप - हस्त ( १९ ) काश्यप सिंह ( २० ) काश्यपधर्म (२१) गौतमार्य जम्बू (२२) काश्यप-नन्दित ( २३ ) माठरदेशिगणिक्षमाश्रमण ( २४ ) वत्स - स्थिरगुप्त ( २५ ) गणिकुमारधर्म (२६) काश्यप - देव क्षमाश्रमणेभ्यः (२७) त्रिकरगयोगेन नमोऽस्तु ।
Jain Education International
For Private & Personal Use Only
www.jainelibrary.org
