Kalpasutrartha Prabodhini

SR No.: 002772
Original Sutra Author: N/A
Author: Rajendrasuri
Publisher: Rajendra Pravachan Karyalay Khudala
Publication Year: 1933
Total Pages: 408
Language: Sanskrit
Classification: Book_Devnagari, Agam, Canon, & agam_kalpsutra
File Size: 10 MB

Page 140

पञ्चमं व्याख्यानम् ।
(88) न्मामकः केसरी किलौद्धत्याद्धनिष्यति । महिषारोहिणस्तुरगारोहिणम् , ता_गादेवा अहिगामिनम् , छागासीनं चित्रकारूढो मिथो जजल्पुः । केचिदूचिरे-भ्रातः ! मां विहाय जवेन मागाः, क्षणं मामपि प्रतीक्षस्व ।' ये दक्षा बलीयांसश्चाऽऽसँस्तेऽतिशीघ्रमग्रतश्चेलुः, सखीनपि तत्यजुः। कियन्तश्चैवमवोचन्त-यद्, भो देवाः ! मौनमाधाय व्रजत, यतः पर्वदिने विपुलोऽपि पन्थाः सङ्कीर्णो भवत्येव। एवं खेऽटतां लेखानां शिरःसु पतितैश्चन्द्रमसः करप्रकरैः सकला निर्जराः सजरा इवाऽलक्ष्यन्त । इत्थमूर्ध्वलोकादधोऽवतरतां तारका मार्गमागतानां तेषां मूर्धसु संलग्ना राजताः कलशा इवाऽधिग्रीवं ग्रैवेयका इव, गात्रेषु संसृष्टास्तारकाः स्वेदविन्दव इव बभुस्तमाम् । अथ शकेन्द्रः सपरिवारस्तत्राऽष्टमे नन्दीश्वरद्वीपे रतिकरगिरौ समागत्य, संक्षिप्तविमानः श्रीमत्प्रभुजन्मसदनमागत्य जिनेन्द्रं जिनजननीच त्रिःपरिक्रम्य प्रणम्य चाऽब्रवीत्-विश्ववन्ये ! रत्नकुक्षिधरे ! आद्यकल्पादिहागतः शक्रेन्द्रोऽहं त्वां प्रणमामि । अमुष्य चरमजिनजातस्य जननमहामहं विधास्ये । अतो मनागपि मनसि भीति भागाः, इति व्याहृत्यावस्वापिनीं निद्रां वितत्य, तत्पाबें भगवत्प्रतिबिम्ब निधाय, पञ्चधा भूत्वा चैकः प्रभु जग्राह, द्वौ चामरे जगृहाते, तुरीय आतपत्रमादब्रे, पञ्चमो वजं बिभराञ्चकार । तत्राग्रगन्ता पृष्ठयायिनं, पृष्ठगन्ता चाऽग्रयायिनं भृशं प्रशंसन् सुमेरुगिरिशिखरोपरि समागत्य, मेरुचुलातो दक्षिणेनाऽतिपाण्डुकम्बलशिलातलीय. शाश्वतसिंहासनोपरि भगवन्तमुत्सङ्गे निधाय प्राङ्मुखो निषसाद । एवमीशानेन्द्रादयोऽपि स्वस्वदेवरचितविमानमधिरुह्य सपरिवारास्तत्राऽऽगताः स्वस्वोचितस्थाने समालत । ततो जाम्बूनदमयाः, रूप्यमयाः, रत्नमयाः, स्वर्णरूप्यमयाः, स्वर्णरत्नमयाः, रूप्यरत्नमयाः, स्वर्णरूप्यरत्नमयाः, मृण्मया इत्यष्टजातीयाः कलशाः प्रत्येकमष्टेसहस्रसंख्यावन्तो
(१) वैमानिकेन्द्राः १०, भवनपतीन्द्राः २०, व्यन्तरेन्द्राः ३२, द्वौ ज्योतिकेन्द्राविति चतुष्पष्टोन्द्राः। (२) उपदेशप्रासादीये १४ स्तम्भे अष्टोत्तरसहस्रकलशाऽऽख्यान
मप्यकारि।