________________
अन्वयः -
'यस्य, महानन्ददये, महाज्ञानी, महातपाः, महायोगी, महामौनी, सः महादेवः उच्यते' इत्यन्वयः ।
मनोहरा टीका -
यस्य यादृशस्य देवस्य । महानन्ददये महान् चासो आनन्दो महानन्दः । स च दया च महानन्ददये अखण्डनिरुपाधिनिर्विकल्पत्वात् सर्वश्रेष्ठः, तथा महती निखिलजीवविषयत्वादलौकिकी ते च, अानन्दः सुखं दयाऽऽर्त्तत्राणेच्छा च ते च महानन्ददये। महानन्दो दया यस्येति पाठोऽपि दृश्यते । तथा सति, महानन्दो दया महादया च यस्येत्यर्थः । आशुतोषेति । गुणान्तरमप्याह-महाज्ञानी = महत् चाऽसौ ज्ञानी महाज्ञानी सर्वकालविषयादिना यो सर्वज्ञः त्रिकालदर्शी महदनन्तत्वात् समस्त विषयत्वात् क्षायिकत्वात् सर्वविशुद्ध च यज्ज्ञानं केवलज्ञानं तदस्त्यस्येति स तादृशः । यो महाज्ञानी तस्यैव महानन्ददये इति भावः । महाज्ञानं समर्थयन्नाह--महातपाः = महान् चासौ तपः महातपः तस्य बहुवचने महातपाः महत्परैरसाध्यत्वाद् सर्वोत्कृष्टं सर्वविशुद्ध च तपोऽनशनादिरूपं यस्य स तादृशः । ज्ञानतपसोः फलमाह-महायोगी=य महत् चाऽसौ योगो महायोगस्तं धारयतीति महायोगी, महान् सर्वाऽतिशयमूलतया सर्वकर्मक्षयप्रयोजकतया चाऽनुपमो योगश्चारित्र समाधिर्वा
श्रीमहादेवस्तोत्रम् -३४
Jain Education International
For Private & Personal Use Only
www.jainelibrary.org
