________________
अन्वयः -
'लौकिकानां मते मतः महादेवः शब्दमात्रः जिनशासने शब्दतः अर्थतोऽपि गुरगतश्चैव (प्रतिपादितम्)' इत्यन्वयः ।
मनोहरा टीका -
लौकिकानाम् = लोका एव लौकिकास्तेषां लौकिकानाम् सामान्यानां शास्त्रज्ञानरहितानाम्, अर्थात्-साधारणजनानां वस्तुतत्त्वग्रहरणानभिज्ञानामित्यर्थः । मते शास्त्रे सिद्धान्ते शासने इत्यर्थः । मतः = इष्ट: प्रतिपादितश्च, महादेवः= महादेवेति संज्ञां धारितो देवः, अर्थात् महादेवाऽभिधो देवः । शब्दमात्रः= शब्दत एवेत्यर्थः । न तु तत्र महादेवपदार्थो महादेवगुणो वा, रागद्वेषादिसत्त्वाद् महत्त्वाऽभावात् । एवञ्च यन्महत्त्वाऽभावेऽपि महादेवः कथ्यतेऽतो नामनिक्षेपविषय एवेति शब्दमात्र एव, न तु भावनिक्षेपविषयत्वाद् भावत इति तात्पर्य मन्यते इति । ननु तर्हि महादेवः क्व पारमार्थिको मत इति चेत् तत्राह--जिनशासने रागद्वषाद्यन्तरशत्रून् जयतीति जिनः तस्य शासने जिनशासने जैनशास्त्र इत्यर्थः । शब्दतः=महादेवशब्देन कृत्वा, सार्वविभक्तिकस्तस् । गुरगतः सर्वेन्द्रियजयवीतरागत्वादिभिर्गुणैः कृत्वा । चैव इति समुच्चये । अत एव, अर्थतःमहांश्चाऽसौ देवश्चेत्यर्थसद्भावेन कृत्वा । अपि = समुच्चये । एवञ्च श्रीजैनशासनमतो महादेव एव भावनिक्षेपविषयत्वाद्
म-२
श्रीमहादेवस्तोत्रम्-१७
Jain Education International
For Private & Personal Use Only
www.jainelibrary.org
