________________
अवतरणिका -
[ ५ ]
सम्प्रति वीतरागत्वेन महादेवत्वमाह-
मूल पद्यम् -
राग-द्वेषौ महामल्लौ, दुर्जयौ येन निर्जितौ । महादेवं तु तं मन्ये, शेषा वै नामधारकाः ॥
अन्वयः
'येन महामल्लौ दुर्जयौ रागद्वेषौ निर्जितौ, तं तु महादेवं मन्ये, शेषा वं नामधारकाः' इत्यन्वयः ।
मनोहरा टीका -
येन = यत् प्रकारेण देवेन । महामल्लौ = महान् चासौ मल्लश्च महामल्लस्तौ महामल्लौ महान्तौ पराऽपेक्षया देहबलादिवैशिष्टयात् शारीरिकविशिष्टशक्तिसम्पन्नौ दृढाङ्गधारकौ ताविव । अत एव । दुर्जयौ = दुःखेन जीयेते इति तादृशौ कष्टसाध्यनिग्रहौ मल्लौ । राग-द्व ेषौ = रागश्च द्वेषश्चेति रागद्वेषौ, रागो विषयेष्वादरो द्वेषोऽनिष्टपदार्थेऽप्रीतिस्तादृशौ तौ । निर्जितौ निगृहीतो । तं तु तमेव, = तादृशं महामल्लरागद्वेषविजेतारं देवमित्यर्थः । महादेवं = महादेवपदाऽभिधेयम् । मन्ये = स्वीकरोमि । रागद्व ेषादि
।
Jain Education International
श्रीमहादेवस्तोत्रम् - १४
For Private & Personal Use Only
www.jainelibrary.org
