________________
३३०
जयोदय-महाकाव्यम्
[ १३०-१३१
प्रान्तपातिमधुलिण्मधुदानां स्वःश्रियः खलु मुदश्रुनिभानाम् । वीक्ष्य मेलमनयोरिह शातमभ्रतस्ततिरहो निपपात ।। १३० ॥
प्रान्तेति । अनयोः जयकुमार-सुलोचनयोः मेलं परस्परप्रेमभावं शातं प्रशस्तरूपं वीक्ष्य सम्मान्येह भूमौ प्रान्ते पतन्तीति प्रान्तपातिनस्ते मधुलिहो भ्रमरा येषां तानि मधुदानि कुसुमानि तेषां ततिर्धारा अभ्रतं आकाशतो निपपात । कीदृशानां तेषाम् ? स्वःश्रियः स्वर्गलक्ष्म्या मुदश्रवः प्रसादोत्पन्ननयनजलबिन्दवस्तनिभानाम् । मुदश्रवोऽपि सकज्जला भवन्ति ॥ १३०॥
अभ्याप सुस्नेहदशाविशिष्टं सुलोचना सोमकुलप्रदीपम् । मुखेषु सत्तां सुतरां समाप सदञ्जनं चापरपार्थिवानाम् ॥ १३१ ।।
अभ्यापेति । सुलोचना नाम बाला सुस्नेहदशा प्रशस्तप्रमावस्था। यद्वा, शोभनः स्नेहस्तैलं यत्र सा सुस्नेहा चासौ दशा वतिका तया विशिष्टं सोमकुलस्य प्रदीपं दीपकरूपं जयकुमारमभ्याप प्राप, तदैव अपरपार्थिवानामितरराजानां मुखेषु सदञ्जनं गाढमालिन्यं सुतरामतिशयेन सत्तां स्थिति समाप प्रापत् । यथा स्नेहवर्तिकया निःसृतेन कज्जलेन शरावादयो मलिना भवन्ति, तथैव अपरनृपाणां मुखानि मलिनान्यभवन्नित्याशयः ॥ १३१॥
अन्वय : अहो ! इह अनयोः शातं मेलं वीक्ष्य स्वःश्रियः मुदश्रुनिभानां प्रान्तपातिमधुलिण्मधुदानां ततिः अभ्रतः निपपात खलु ।
अर्थ : आश्चर्य है कि सुलोचना और जयकुमारका परस्पर होनेवाला अत्युत्तम मेल देखकर वहाँ आकाशसे ऐसे फूलोंकी वर्षा हुई, जिनके प्रान्त भागोंमें भौंरे मँडरा रहे थे। ये बरसनेवाले फूल ऐसे प्रतीत हो रहे थे, मानो स्वर्गश्रीकी प्रसन्नताके आँसू ( हर्षाश्रु ) ही बरस रहे हों ।। १३० ।। ___अन्वय : सुलोचना सुस्नेहदशाविशिष्टं सोमकुलप्रदीपम् अभ्याप, तदा अपरपार्थिवानां मुखेषु सदञ्जनं च सुतरां सत्तां समाप ।
अर्थ : जब कि सुलोचनाने उत्तम स्नेहकी दशासे बिशिष्ट, सोमकुलके दीपक जयकुमारको प्राप्त कर लिया, तो उसी समय दूसरे राजाओंके मुखोंपर सहजमें हो गाढ़ अंजनने अपनी सत्ता जमा ली, अर्थात् उनके मुंह काले पड़ गये।
Jain Education International
For Private & Personal Use Only
www.jainelibrary.org
