________________
३२८ जयोदय-महाकाव्यम्
[ १२६-१२७ हृदये जयस्य विमले प्रतिष्ठिता चानुबिम्बिता माला। मग्नामग्नतयाऽभात् स्मरशरसन्ततिरिव विशाला ॥ १२६ ।।
हृदय इति । जयस्य विमले गुणनिमले हृदये वक्षःस्थले प्रतिष्ठिता स्थापिता पुनरनुबिम्बिता प्रतिफलिता सा वरमाला मग्नामग्नतया किञ्चिदन्तःप्रविष्टा किञ्चिदुच्छूना चेत्येवंरूपा शोभमाना स्मरशराणां मदनप्रयुक्तबाणानां सन्ततिः समूह इव विशाला विस्तीर्णाऽभात् । वरमालापरिधानेन स सकामः समजनीति ध्वन्यते ॥ १२६ ॥
अभिनन्दिनि तदवसरे गगनं स्वगनन्दिगन्धनेऽनुसजत् । दुन्दुभिनिनाददम्भाज्जहास हासस्वरं त्वरजः ॥ १२७ ॥
अभिनन्दीति । अभिनन्दिनि आनन्दकारिणि तस्मिन्नवसरे गगनं नभोऽपि स्वगमात्मगतं यन्नन्देः प्रसन्नताया गन्धनं प्रसङ्गस्तस्मिन्ननुसजत् संलग्नमभवत् । पुनः अरजो रजोजितं निर्मलं भवद् दुन्दुभैः पटहस्य निनादस्तारगम्भीररवस्तस्य दम्भाद् व्याजात् सत्वरं जहास, अहसदित्युत्प्रक्ष्यते। कथं हासस्वरं, हासस्य स्वरो यस्मिन् यथा स्यात्तथा जहासेत्यर्थः ॥ १२७ ॥
अर्थ : उस वरमालाका जब जयकुमारको स्पर्श हुआ, तो कामदेवने उसके हाथमें पसीना ( स्वेदरूप सात्त्विकभाव ) ला दिया। वह प्रस्वेद-जल निकट भविष्य में होनेवाले कन्यादानके जलका सूचक-सा था ॥ १२५ ॥
_अन्वय : जयस्य विमले हृदये प्रतिष्ठिता अनुबिम्बिता च माला मग्नामग्नतया विशाला स्मरशरसन्ततिः इव अभात् ।
अर्थ : जयकुमारके निर्मल वक्षःस्थलपर प्रतिष्ठित और प्रतिबिम्बित वह माला ऐसी प्रतीत हुई, मानो कुछ भीतर धंसे और कुछ बाहर उभरे कामदेवके बाणोंकी विशाल परम्परा ही हो ॥ १२६ ।।
अन्वय : अभिनन्दिनि तदवसरे अरजः गगनं स्वगनन्दिगन्धने अनुसजत् दुन्दुभिनिनाददम्भात् तु हासस्वरं सत्वरं जहास ।
अर्थ : उस आनन्दके अवसरपर निर्मल आकाश भी अपना आनन्द प्रकट करनेमें तत्पर हो दुंदुभि-निनादके व्याजसे हंस पड़ा ।। १२७ ।।
Jain Education International
For Private & Personal Use Only
www.jainelibrary.org
