________________
[ १५८ ]
इमं च णं विजए तकरे रायगिहस्स नगरस्स बहूणि बाराणि य अवदाराणि य तहेव आभोएमाणे मग्गेमाणे गवेसेमाणे जेणेव देवदिन्ने दारए तेणेव उवागच्छइ, उवागच्छित्ता देवादिन्नं दारगं सव्वालंकारविभूसियं पासति, पासित्ता देवदिन्नस्स दारगस्स आभरणालंकारेसु मुच्छिए, गढिए, गिद्धे, अझोववन्ने पंथय दासचेडं पमत्तं पासति, पासित्ता दिसालोयं करेति, करेत्ता देवदिन्नं दारगं गेण्हति, गेण्हिता कक्खसि अल्लियावेति, अलियावित्ता उत्तरिजेणं पिहेइ, पिहेइत्ता सिग्धं, तुरियं, चवलं रायगिहस्स नगरस्स अवदारेणं निग्गच्छति, निग्गच्छित्ता जेणेव जिण्णुजाणे, जेणेव भग्गकूवए तेणेव उवागच्छति, उवागच्छित्ता देवादेनं दारयं जीवियाओ ववरोवेति, ववरोवित्ता आभरणालंकारं गेहति, गेण्हित्ता देवदिन्नस्स दारगस्स सरीरगं निप्पाणं निच्चेटुं जीवियविप्पजढं भग्गकूवए पक्खिवति, पक्खिवित्ता जेणेव मालुयाकच्छए तेणेव उवागच्छति, उवागच्छित्ता मालुयाकच्छयं अणुपविसति, अणुपविसित्ता निच्चलं, निप्पंदे, तुसिणीए दिवसं खिवेमाणे चिट्ठति ।
तते ण से पंथए दासचेडे तओ मुहुत्ततरस्स जेणेव देवदिन्ने दारए ठविए तेणेव उवागच्छति, उवागच्छित्ता देवदिन्नं दारगं तंसि ठाणसि अपासमाणे रोयमाणे कंदमाणे विलयमाणे
Jain Education International
For Private & Personal Use Only
www.jainelibrary.org
