________________
[ १५९ ]
देवदिन्नदारगस्स सव्वतो समंता मग्गणगवेसणं करेइ, करिता देवदिन्नस्स दारगस्स कत्थइ सुर्ति वा खुति वा पउत्तिं वा अलभमाणे जेणेव सए गिहे जेणेव धण्णे सत्थवाहे तेणेव उवागच्छति, उवागच्छित्ता धणं सत्थवाहं एवं वदासी
"एवं खलु सामी! भद्दा सत्यवाही देवदिन्नं दारय व्हायं .... जाव मम हत्यंसि दलयति । तते णं अहं देवदिन दारय फडीए गिहामि, गिण्हित्ता .... जाव मग्गणगवेसणं करेमि, तं न णज्जति णं सामी! देवदिन्ने दारए केणइ हते वा अवहिए वा अवखित्ते वा" ___तते णं से धण्णे सत्यवाहे पंथयदासचेडयस्स एतमटुं सोच्चा णिसम्म तेण य महया पुत्तसोएणाभिभूते समाणे परसुणियत्ते चंपगपायवे घसत्ति धरणीयलंसि सव्वंगेहिं सन्निवइए ।
तते णं से धन्ने सत्यवाहे ततो मुहुत्तेतरस्स आसत्ये पच्छागयपाणे देवदिन्नस्स दारगस्स सव्वतो समंता मग्गणगवसणं करेति । देवदिन्नस्स दारगस्स कथइ सुई वा खुई वा पउत्ति वा अलभमणि जेणेव सए गेहे तेणेव उवागच्छइ, उवागच्छइत्ता महत्थं पाहुडं गेण्हति, गेण्हित्ता जेणेव नगरगुत्तिया तेणेव उवागच्छति, उवागच्छित्ता तं महत्थं पाहुडं उवणयति, उवणतित्ता एवं वयासी
Jain Education International
For Private & Personal Use Only
www.jainelibrary.org
