________________
[ १५७ ]
परिमाण य उवाइयलद्वे णं तं होउ णं अम्हं इमे दारए ' देवदिन्न ' नामेणं " "
तते णं तस्स दारगस्स अम्मापियरो जायं च दायं च भायं च अक्खयनिर्हि च अणुवङ्गेति ।
तते णं से पंथए दासचेडए देवदिन्नस्स दारगस्स वालग्गाही जाए, देवादिनं दारयं कडीए गेहति, गेण्हित्ता बहूहि डिंभएहि य डिंभिगाहि य दारएहि य दारियाहि य कुमारेहि य कुमारिया हि य सद्धि संपरिवुडे अभिरममाणे अभिरमति ।
तते णं सा भद्दा सत्यवाही अन्नया कयाई देवदिन्नं दारयं ण्हायं, कयवलिकम्मं, कयकोटयमंगलपायच्छित्तं, सन्वालंकारभूसियं करेति, पंथयस्स दासचेडयस्स हत्थयंसि दलयति ।
तते णं से पंथए दासचेडए भद्दाए सत्यवाहीए हत्याओ देवदिनं दारगं कडिए गिण्हति गिण्हित्ता सयातो गिहाओ पडिनिक्खमति, पडिनिक्खमित्ता बहूर्हि डिंभएहि य डिभियाहि य कुमारियाहि यसद्धिं संपरिवुडे जेणेव रायमग्गे तेणेव उवागच्छइ, उवागच्छित्ता देवदिनं दारगं एगंते ठावेति, ठावित्ता बहूहिं डिभएहि य कुमारियाहि य सद्धि संपरिवुडे पत्ते यावि होत्या विहरति
!
Jain Education International
For Private & Personal Use Only
www.jainelibrary.org
