________________
[ १५३ ]
नागघराणि य भूयघराणि य जक्खदेउलाणि य सभाणिय पवाणि य पणियसालाणि य सुन्नघराणि य आभोएमाणे, मग्गमाणे, गवेसमाणे, बहुजणस्स छिद्देसु य विसमेसु य वसणेसु य अब्भुदएसु य उस्सवेसु य पसवेसु य तिहीसु य छणेसु य जन्नेसु य पव्वणीसु य मत्तपमत्तस्स य वक्खित्तस्स य वाउलस्स य सुहितस्स य दुक्खियस्स य विदेसत्थस्स य विष्पवसियस्स य मग्गं च छिदं च विरहं च अंतरं च मग्गमाणे गवेसमाणे एवं च णं विहरति ।
बहिया वि य णं रायगिहस्स नगरस्स आरामेसु य उजाणेसु य वाविपोक्खरणीदीहियागुंजालियासरेसु य सरपंतिसु य सरसपंतियास य जिण्णुज्जाणेसु य भग्गकूवएसु य माल्याकच्छएसु य सुसाणएसु य गिरिकंदरलेणउवट्ठाणेसु य विहरति ।
तते णं तीसे भद्दाए भारिपाए अन्नया कयाई पुन्वरत्तावरत्तकालसमयंसि कुडुंबजागरियं जागरमाणीए अयमेयारवे अज्झस्थिए समुपन्जित्था-"अहं धण्णेण सस्थवाहेण सद्धिं बहूणि वासाणि सद्दफरिसरसगंधरूवाणि माणुस्सगाई कामभोगाई पञ्चणुभत्रमाणी विहरामि । नो चेव णं अहं दारगं वा दारिगं वा पयायामि । तं धनाओ णं ताओ अम्मयाओ जात्र
Jain Education International
For Private & Personal Use Only
www.jainelibrary.org
