________________
[ १३० ]
.... जाव दंतेहिं अक्खुडेंति .... जाब नो चेव णं संचाएंति करेत्तए।
तते णं ते पावसियालगा पि तचं पि.... जाव नो संचाएंति तस्स कुम्मगस्स किंचि आवाहं वा विबाहं वा .... जाव छविच्छेयं वा करत्तए, ताहे संता, तंता, परितंता, निम्विन्ना समाणा जामेव दिसिं पाउन्भूआ तामेव दिसिं पडिगया।
तते णं से कुम्मए ते पावसियालए चिरंगए दूरगए जाणित्ता सणियं सणियं गीवं नेणेति, नेणित्ता दिसावलोयं करेइ, करित्ता जमगसमगं चत्तारि वि पादे नीणेति, नीणेत्ता ताए उक्किट्ठाए कुम्मगईए वीईवयमाणे वीईवयमाणे जेणेव मयंगतीरदहे तेणेव उवागच्छइ, उवागच्छित्ता मित्तनातिनियगसयणसंबंधिपरियणेणं सद्धिं अभिसमन्नागए यावि होत्या । ____ एवामेव समणाउसो! जो अम्हं समणो वा समणी वा पंच से इंदियातिं गुत्तातिं भवंति से णं इहभवे अच्चणिजे जहा उ से कुम्मए गुत्तिदिए।
(श्रीज्ञाताधर्मकथाङ्गम् , अध्ययनम् ४)
Jain Education International
For Private & Personal Use Only
www.jainelibrary.org
