________________
[ १२९ ]
तते णं ते पावसियालया तेणं कुम्मएणं सणियं सणियं एग पायं नीणियं पासंति, पासित्ता तार उक्किट्ठाए गईए सिग्धं, चवलं, तुरियं, चंडं, वेगित जेणेव से कुम्मए तेणेव उवागच्छंति, उवागच्छित्ता तरस णं कुम्मगस्स तं पायं नहिं आलुपंति, दंतेहिं अक्खोडेंति, ततो पच्छा मंसं च सोणियं च आहारेंति, आहारित्ता तं कुम्मगं सव्वतो समंता उब्बतेंति .... जाव नो चैव णं संचाएंति करेत्तए, ताहे दोच्चं पि अवक्कमति । एवं चत्तारि वि पाया जाव सणियं सणियं गीवं णीणेति । तते णं ते पावसियालगा तेणं कुम्मण गीवं गीणियं पासंति, पासित्ता सिग्छ, चवलं, तुरियं, चंडं नहेहिं दंतेहिं कवालं विहाडेंति, विहाडित्ता तं कुम्मगं जीवियाओ ववरोवेंति, ववरोवित्ता मंसं च सोणियं च आहारेंति ।
एवामेव समणाउसो! जो अम्हं निग्गंथो वा निग्गंथी वा आयरियउवज्झायाणं अंतिए पचतिए समाणे पंच य से इंदियाई अगुत्ताई भवंति, से णं इह भवे चेव बहूणं समणाणं बहूणं समीणं सावगाणं साविगाणं हीलणिजे परलोगे वि य गं आगच्छति वर्णं दंडणाणं, संसारकतारं अणुपरियट्टति, जहा से कुम्मए अगुत्तिदिए ।
तते णं ते पावसियालगा जेणेव से दोच्चए कुम्मए तेणेव उवागच्छंति, उवागच्छित्वा तं कुम्मगं सम्वतो समंता उव्वतेंति
Jain Education International
For Private & Personal.Use Only
www.jainelibrary.org
