Page Text
________________
२३४
अनेकान्तजयपताकातथाविधशक्तिसहकारित्वेन हेतुना तदनुभवस्य स्खलक्षणानुभवस्य प्रवृत्तिविज्ञानस्येत्यर्थः तदविरोधादिति प्रक्रमाद् भिन्नविकल्पसंभवाविरोधात् शक्तिरस्योपादानमित्यभिप्राय इति । एतदाशङ्क्याहएतदपि यत् किश्चित् । कथमित्याह- तस्य स्वलक्षणानुभवस्य तत्सहकारित्वासिद्धेः प्रस्तुतशक्तिसहकारित्वासिद्धेः । असिद्धिश्च ततोऽधिः कृतानुभवात् तस्याः शक्तेः, किमित्याह- उपकाराभावात् । यदि नामैवं ततः किमित्याह- अनुपकार्योपकारकयोश्च भावयो: सहकारित्वायोगात् । एनमेवाह- द्विविधो हि वो युष्माकं सहकारार्थः । द्वैविध्यमाह- परस्परातिशयाधानेन क्षणपरम्परया संताने प्रबन्धे विशिष्टक्षणोत्पादनलक्षणो विवक्षितकार्ययोग्यताकारीत्यर्थः, तथा पूर्वस्वहेतोरेवोपादानादेः समग्रोत्पन्नैककार्यक्रियालक्षणश्च समग्रोत्पन्नाना. मेककार्यक्रियाऽन्त्यानां विवक्षितकार्योत्पत्तिः सैव लक्षणं यस्य सहका. रार्थस्य स तथेति समासः। न चेत्यादि न चानयोः सहकारार्थयोरेकोऽपि संभवति । कुत इत्याह- क्षणिकत्वेन हेतुना परस्परातिशयाने धानायोगात् । एतदेव भावयति- अतिशय उपकार इत्यनर्थान्तरम् । न चासावतिशयोऽन्यतः सकाशादन्यस्य । कथं नेत्याहविकल्पायोगात् ॥
तदनुभवो हि तच्छक्तेरनुत्पन्नायाः, उत्पन्नायाः, निरुद्धाया एवं वोपकुर्यात् । न तावदनुत्पन्नायाः, तस्या एवासत्त्वात्, असतो पकाराकरणात् । नाप्युत्पन्नायाः, तस्या अनाधेयातिशयत्वात्। क्षणादूर्ध्वमनवस्थितेः। द्वाभ्यामप्येकीभूय तदन्यकरणमेवाति शयाधानम् , तदेव चोपकार इति चेत् । न, उपादानकारणविशेषा धानमन्तरेण ततः कार्यविशेषासिद्धेः। न चैककालभाविनाऽन्यतो भवन्त्या अन्यत एव भवता तस्या अतिशयाधानम् , तनिबन्ध नस्य तत्कृतविशेषासिद्धः । तदभ्युपगमे च तत्राप्ययमे वृत्तान्तः, एवं निबन्धनपरम्परायामपि वाच्यम्, इत्यत्राणं नि बन्धनपरम्परा॥
RELi
Jain Education International
For Private & Personal Use Only
www.jainelibrary.org
| SR No. | 002732 |
| Book Title | Anekantajaypataka Swopagnya Tika |
| Original Sutra Author | Haribhadrasuri |
| Author | |
| Publisher | ZZZ Unknown |
| Publication Year | |
| Total Pages | 288 |
| Language | Sanskrit |
| Classification | Book_Devnagari & Philosophy |
| File Size | 13 MB |