________________
अहम् श्रीविजयधर्मसूरिभ्यो नमः ।
श्रीहरिभद्रसूरिकृताअनेकान्तजयपताका
स्वोपज्ञटीकासहिता।
स्वपरोपकृतये अनेकान्तजयपताकाऽऽख्यप्रकरणस्य व्याख्या प्रस्तूयते
इह चादावेवाचार्यः शिष्टसमयपरिपालनाय विघ्नविनायकोपशान्तये प्रयोजनादिप्रतिपादनार्थ चेममार्यासमूहमाह
जयति विनिर्जितरागः सर्वज्ञस्त्रिदशनाथकृतपूजः । सद्भूतवस्तुवादी शिवगतिनाथो महावीरः ।। १ ।। य इहानिन्धो मार्गो विशेषतः पूर्वगुरुभिराचरितः । तत्र प्रवर्तितव्यं पुंसा न्यायः सतामेषः ॥२॥ यद्यपि न तथाभूता शक्तिः प्राकर्मदोषतस्तदपि । शक्त्यनुरूपमुपायो न यतस्तत्माप्तयेऽप्यन्यः ॥ ३॥ सत्यपि गुणवत्येव तु स चान्यभावेऽपि पण्डितैर्गदितः । यत्रैव यस्य शक्तिः सात्म्यं च विशेषतस्तेषाम् ॥ ४॥ स तमाराधयितुमलं यस्मादाराध्य चैनमामोति । शक्त्यन्तरं छुपायान्तरसाधकमुत्तमं नियमात् ॥ ५ ॥
(युग्मम् ) तस्मान्ममापि जाता शठोक्तिभिर्मोहितान् जडान् वीक्ष्य । प्रकरणकरणसमीहा पूर्वनिमित्तात्कृपातश्च ॥६॥ जिनवचनश्रवणानः शक्तिरपि न नास्ति तत्र तस्यैव । सद्बोधहेतुभावात्तुच्छत्वाद्वा शठोक्तीनाम् ।। ७॥
Jain Education International
For Private & Personal Use Only
www.jainelibrary.org
