________________
२८६
आचार्य श्रीवर्धमानसूरिचिते स्वोपज़टीकासहिते धर्मरत्नकरण्डके
तदिह निखिलदोषव्रातघाते पटिष्ठं, सकलगुणगणानां यदरिष्ठं वरिष्ठम् । तदमरनरवन्धं सर्वकल्याणमूलं, स्वहितनिरतलोका: पालयध्वं सुशीलम् ॥१॥
यत:- जह सुरगिरिणो चूला, जह सुरकरिणो कओलमयलेहा ।
जह फणिवइणो य मणी, जियाण तह भूसणं सीलं ॥२॥ दाणं धणस्स विणओ, सुयस्स खंती तवोवहाणस्स । सीलं पुण सव्वेसिं, गुणाण परमो अलंकारो ॥३॥ नाणं वरविन्नाणं, रूवं विणओ नओ य विहवो य ।
पवरो परक्कमो तह, सीलेण विणा न रेहंति ॥४॥ सीलं कित्तिकरंजए जसकरं, कल्लाणमालाकरं । सीलं सिद्धिकरं समीहियकरं निस्सेससोक्खाकरं। सीलं संतिकरं कुलुन्नइकरं सव्वंगसोहाकरं । सीलं सोहिकरं परं पियकरं सोहग्गलच्छीकरं ॥५॥ सीलं दुदृगरिहनिहरमहारिट्ठोहनिट्ठावणं । सीलं दुग्गदुरंतदूसहमहादारिद्दविद्दावणं ।। सीलं भूयपिसायजोइणिमहावेतालवित्तासणं । सीलं दुत्तरदुग्गदुग्गइमहादुक्खाण निन्नासणं॥६॥ सीलं पावपयंगपूगदहणे चंडप्पईवोवमं । सीलं भीमभवोरुसिंधुतरणे सजाणवत्तोवमं । सीलं कम्मकलंकपंकहरणे सन्नीरपूरोवमं । सीलं दोसगिरिंदविंददलणे दंभोलिजालोवमं ॥७॥ सीलं इंदनरिंदचंदपयवीसंपावणे पच्चलं । सीलं भूरिभयदुयाण परमं भव्वाण मं भीसणं । सीलं सव्वगुणाणमुत्तममहो सीलं परं भूसणं । सील सिद्धिपुरंधिसंगममहासोक्खाण संसाहणं ।।।
इति शीलाधिकार: समाप्त:
Jain Education International
For Private & Personal Use Only
www.jainelibrary.org
