________________
अधिकार ४ / श्लोक-११५-११६ / परोपकारमहिमा
अथ परोपकर्तृनेव विशेषत: प्रशंसयन्नाह
मिथ्येदं कूर्मशेषाभ्यां, यन्मही विधुता किल । परोपकर्तृभिः सद्भि-धृता भूरिति मे मतिः ॥११५॥
_ मिथ्याअलीकमिदं जनजल्पितं कूर्मशेषाभ्यां कच्छप-नागराजाभ्यां यदिति 'भाषायां मही मेदिनी विधृता विशेषेण धारिता,किल इत्यपवादे, तर्हि कैघृतेत्याह-सद्भिः सजनैः, परोपकर्तृभिः परोपकारनिष्ठैः, धृता धारिता, भूर्भूमिरित्येवं मे मम मतिर्बुद्धिरिति ॥११५॥
साम्प्रतं परोपकारिणां फलमुपदर्शयन्नधिकारं निगमयन्नाह
परोपकारकर्तृणां, मृतानामप्यनर्गलम् । बम्भ्रमीति जगत्कृत्स्नं, कुन्देन्दुधवलं यशः ॥११६।।
परोपकारकर्तृणां परोपकृतिविधायिनां मृतानामपि परासुतां प्राप्तानामप्यनर्ग-लमनिवारितप्रसरं बम्भ्रमीति सर्वतोऽतिशयेन विचरति जगल्लोकं कृत्स्नं समस्तं कुन्देन्दुधवलं कुन्दचन्द्रनिर्मलं यश: सर्वदिग्गामीति परोपकाराधिकार: परिसमाप्त:।
इति चतुर्थोऽधिकारः ।।
१ BJPC सम्भवनायां मही-मु.॥
Jain Education International
For Private & Personal Use Only
www.jainelibrary.org
