________________
अधिकार ३ / श्लोक ८४-९० / जिनवाणिश्रवणोपदेशादि
१४१
निर्भक्तिका इत्यर्थ: आत्मगृह आत्मद्रोहकारिणस्ते निर्मर्यादा: निर्मेरा पुरुषा नरकोन्मुखा दुर्गतिसन्मुखा इति ॥८६॥
किमिति साधुपराङ्मुखा एवं निन्द्यन्त इत्याह
गौरव्या गुरवो मान्या, धर्ममार्गोपदेशकाः । सेवनीयाः प्रयत्नेन, संसाराम्बुधिसेतवः ॥८॥
गौरव्या गौरवार्हा गुरवो धर्माचार्या मान्या बहुमानविषया धर्ममार्गोपदेशका ज्ञानदर्शनचारित्रमोक्षमार्गोपदेष्टार: सेवनीया: पर्युपासनीया विशेषत: संसाराम्बुधिसेतव: संसारसमुद्रसमुत्तरणसेतवो मार्गकल्पा: ।।८७॥
[श्रोतव्यं शुद्धसिद्धान्त-सारं च साधुभ्यः सदा। तथा तदनुसारेण, विधेया सदनुष्ठिति: ।८८॥ कार्यश्च सदौदासीन्य-भावपरिहारस्तथा। निन्दाऽश्रवणं दोषेषु, मूकता दुष्टनिग्रहः ॥८९॥ सदाचारप्रमत्तानां, मतमेकान्तशिक्षणम् । यथाऽन्योऽपि न जानाति, तथा हितं मिताक्षरैः ॥९०॥]
तथा श्रोतव्यमित्यादिश्लोकत्रयं, श्रोतव्यं शुद्धसिद्धान्तसारंशुद्धसिद्धान्त: सार: प्रधानो यत्र तत्र केभ्य:? साधुभ्यस्तदनुसारेणागमानुसारेण विधेया कार्या, का? सदनुष्ठिति: शोभनानुष्ठानरूपा सुस्थचिन्ता च साबाधनिराबाधगवेषणा च, सदा सर्वदौदासीन्यभावपरिहार: प्रवर्तननिवर्तनलक्षणस्य वर्जनं परिहार: तन्निन्दाऽश्रवणं तेषां साधूनां निन्दा दोषग्रहणलक्षणा तस्या अश्रवणमनाकर्ण, दोषेषु दोषोद्घटनेषु मूकता मूकीभाव: कार्य:,
दुष्टनिग्रहो दुष्टानां मिथ्यादृष्टीनां यथाशक्तया निग्रहो निवारणमपकारकरणप्रवृत्तानामिति शेष:, तथा सदाचारप्रमत्तानां ज्ञानादिपञ्चप्रकाराचारचरणंप्रमादिनां मतं सम्मतमेकान्तशिक्षणं रह: शिक्षाप्रदानलक्षणं, यथान्योऽपि मिथ्यादृष्ट्यादिर्न जानाति न वेत्ति यदनेनेदं कुकर्म सेवितमिति, तथा हितं मिताक्षरैस्तथा तेन प्रकारेण हितान्यागामिनि काले पथ्यानि तानि परिमितानि वर्णरूपाणि तैः ॥८८-९०।। १ इदंतु ध्येयं-सर्वासु हस्तलिखित प्रतिषु मुद्रिते च नोपलभ्यते इदं श्लोकयम् (८८-९०), अस्माभिस्तु टीकानुसारं संयोज्य अत्र योजितम् ।।
Jain Education International
For Private & Personal Use Only
www.jainelibrary.org
