________________
पाठ - 10 मेरुप्रभ हाथी (ज्ञाताधर्म कथा) - तए णं तुम मेहा ! वणयरेहिं निव्वत्तिनामधेजे जाव चउदंते मेरुप्प हत्थिरयणे होत्था।
__ - तए णं तुमं अन्नया कयाइ गिम्हकालसमयंसि जेट्ठामूले वणदव-जालापलित्तेसु वणंतेसु सुधूमाउलासु दिसासु जाव मंडलवाए व्व परिब्भमंते भीए तथ्ये जाव संजायभए बहूहि हत्थीहि य जाव कलभियाहि य सद्धिं संपरिबुडे सव्वओ समंता दिसोदिसिं विप्पलाइत्था। .
- तए णं तुम मेहा ! अन्नया पढमपाउसंसि महावुट्टिकायंसि सन्निवइयंसि गंगाए महानदीए अदूरसामंते बहूहिं हत्थीहिं जाव कलभियाहि य सत्तहि य हत्थिसएहिं संपरिंवुडे एग महं जोयणपरिमंडलं महइमहालयं मंडलं घाएसि। ___- तए णं तुमं मेहा ! अन्नया कयाई कमेणं पंचसु उउसु समइक्कंतेसु गिम्हकालसमयंसि जेट्ठामूले मासे पायव-संघस-समुट्ठिएणं जाव संवट्टिएसु मिय-पसु-पक्खिसिरीसिवेसु दिसोदिसिं विप्पलायमाणेसु तेहिं बहूहिं हत्थीहि य सद्धिं जेणेव मंडले तेणेव पहारेत्थ गमणाए।
- तए णं तुम मेहा ! पाएणं गत्तं कंडुइस्सामि त्ति कट्ट पाए उक्खित्ते, तंसिं च णं अंतरंसि अन्नेहिं बलवंतेहिं सत्तेहिं पणोलिज्जमाणे पणोलिज्जमाणे ससए अणुपविढे।
- तए णं तुमं मेहा ! गायं कंडुइत्ता पुणरवि पायं पडिनिक्खमिस्सासि त्ति कट्ट तं ससयं अणुपविट्ठ पाससि, पासित्ता पाणाणुकंपयाए भूयाणुकंपयाए जीवाणुकंपयाए सत्ताणुकंपयाए से पाए अंतरा चेव संधारिए, नो चेव णं णिक्खित्ते।
तए णं मेहा ! ताए पाणाणुकंपयाए जाव सत्ताणुकंपयाए संसारे परित्तीकए, माणुस्साउए निबद्धे।
- तए णं से वणदवे अड्डाइज्जाइं राइंदियाइं तं वणं झामेइ, झामेत्ता, निट्ठिए, उवरए, उवसंते, विज्झाए यावि होत्था।
प्राकृत गद्य-पद्य सौरभ भाग-2
Jain Education International
For Personal & Private Use Only
www.jainelibrary.org
