________________
पाठ - 9
रोहिणीणाए रायगिहे नयरे धण्णे नामं सत्थवाहे परिवसइ । तस्स णं धण्णस्स सत्थवाहस्स भद्दा नाम भारिया होत्था।
तस्स णं धण्णस्स सत्थवाहस्स पुत्ता भद्दाए भारियाए अत्तया चत्तारि सत्थवाहदारया होत्था, तंजहा – धणपाले, धणदेवे, धणगोवे, धणरक्खिए।
तस्स णं धण्णस्स सत्थवाहस्स चउण्हं पुत्ताणं भारियाओ चत्तारि सुण्हाओ होत्था, तंजहा- उज्झिया, भोगवइया, रक्खिया, रोहिणिया।
जेठं सुण्हं उज्झिइयं सद्दावेइ, सद्दावित्ता एवं वयासी -
'तुमं णं पुत्ता ! मम हत्थाओ इमे पंच सालिअक्खए गेण्हाहि, जया णं अहं पुत्ता ! तुम इमे पंच सालिअक्खए जाएज्जा, तया णं तुमं मम इमे पंच सालिअक्खए पडिनिज्जाएज्जासि'।
एवं भोगवइयाए वि, णवरं सा छोल्लेइ, छोल्लित्ता अणुगिलइ, अणुगिलित्ता सकम्मसंजुत्ता जाया।
एवं रक्खिया वि। संपेहित्ता ते पंच सालिअक्खए सुद्धे वत्थे बंधइ, बंधित्ता रयणकरंडियाए पक्खिवेइ, पक्खिवित्ता उसीसामूले ठावेइ, ठार्वित्ता, तिसंझं पडिजागरमाणी पडिजागरमाणी विहरइ।
चउत्थि रोहिणीयं सुण्हं सद्दावेइ । संपेहित्ता कुलघरपुरिसे सद्दावेइ, सद्दावेत्ता एवं वयासी
'तुब्भे णं देवाणुप्पिया ! एए पंच सालिअक्खए गेण्हह, गेण्हित्ता पढमपाउसंसि। करित्ता इमे पंच सालिअक्खए वावेह । करित्ता सारखेमाणा संगोवेमाणा अणुपुव्वेणं संवड्ढेह।
. तए णं ते सालिअक्खए अणुपुव्वेणं सारक्खिज्जमाणा संगोविज्जमाणा संवड्डिज्जमाणा साली जाया, ____- तए णं ते कोडुंबिया ते साली नवएसु घडएसु पक्खिवंति
प्राकृत गद्य-पद्य सौरभ भाग-2
Jain Education International
For Personal & Private Use Only
www.jainelibrary.org
