________________
19.
अथिम्मि हिदे पुरिसो उम्मत्तो विगयचेयणो होदि। मरदि व हक्कारकिदो अत्थो जीवं खु पुरिसस्स॥
20. गन्थच्चाओ इन्दियणिवारणे अंकुसो व हत्थिस्स।
णयरस्स खाइया वि य इन्दियगुत्ती असंगत्तं॥
21.
ण गुणे पेच्छदि अववददि गुणे जंपदि अजंपिदव्वं च। . रोसेण रुद्दहिदओ णारगसीलो णरो होदि॥
22. माणी विस्सो सव्वस्स होदि कलहभयवेरदुक्खाणि।
पावदि माणी णियदं इहपरलोए य अवमाणं॥
23. सयणस्स जणस्स पिओ णरो अमाणी सदा हवदि लोए।
णाणं जसं च अत्थं लभदि सकज्जं च साहेदि॥
24. तेलोक्केण वि चित्तस्स णिव्वदी णत्थि लोभघत्थस्स।
संतुट्ठो हु अलोभो लभदि दरिदो वि णिव्वाणं॥
25.
विज्जूव चंचलाइं दिट्ठपणट्ठाई सव्वसोक्खाई। जलबुब्बुदोव्व अधुवाणि हुंति सव्वाणि ठाणाणि॥
26.
रत्तिं एगम्मि दुमे सउणाणं पिण्डणं व संजोगो। परिवेसोव अणिच्चो इस्सरियाणाधाणारोग्गं॥
27.
इन्दियसामग्गी वि अणिच्चा संझाव होइ जीवाणं। मज्झण्हं व णराणं जोव्वणमणवट्ठिदं लोए।
प्राकृत गद्य-पद्य सौरभ भाग - 2
Jain Education International
For Personal & Private Use Only
www.jainelibrary.org
