________________
पाठ - 6 भगवती अराधना
दुज्जणसंसग्गीए.पजहदि णियगं गुणं खु सुजणो वि। सीयलभावं उदयं जह पजहदि अग्गिजोएण॥
णाणुज्जोवो जोवो णाणुज्जोवस्स णत्थि पडिघादो। दीवेइ खेत्तमप्पं सूरो णाणं जगमसेसं॥
विज्जा वि भत्तिवंतस्स सिद्धिमुवयादि होदि सफला य। किह पुण णिव्वुदिबीजं सिज्झहिदि अभत्तिमंतस्स॥
णाणुज्जोएण विणा जो इच्छदि मोक्खमग्गमुवगन्तुं। गन्तुं कडिल्लमिच्छदि अंधलओ अंधयारम्मि॥
5.
जह ते ण पियं दुक्खं तहेव तेसिपि जाण जीवाणं। एवं णच्चा अप्पोवमिवो जीवेसु होदि सदा॥
सव्वेसिमासमाणं हिदयं गन्भो व सव्वसत्थाणं। सव्वेसिं वदगुणाणं पिंडो सारो अहिंसा हु॥
7.
जीववहो अप्पवहो जीवदया होइ अप्पणो हु दया। विसकंटओ व्व हिंसा परिहरियव्वा तदो होदि।
जावइयाइं दुक्खाइं होंति लोयम्मि चदुगदिगदाई। सव्वाणि ताणि हिंसाफलाणि जीवस्स जाणाहि॥
9.
कक्कस्सवयणं णिट्टरवयणं पेसुण्णहासवयणं च। जं किंचि विप्पलावं गरहिदवयणं समासेण॥
प्राकृत गद्य-पद्य सौरभ भाग - 2
42
Jain Education International
For Personal & Private Use Only
www.jainelibrary.org
