________________
.. 14.
संबुज्झमाणे पुणरवि आसिंसु भगवं उठाए। णिक्खम्म एगया राओ बहिं चक्कमिया मुहत्तागं॥
15.
सयणेहिं तस्सुवसग्गा भीमा आसी अणेगरूवा य। संसप्पगा य जे पाणा अदुवा पक्खिणो उवचरंति॥
16.
इहलोइयाइं परलोइयाइं भीमाई अणेगरूवाई। अवि सुन्भिदुब्भिगंधाई सद्दाइं अणेगरूवाई॥
17.
अधियासए सया समिते फासाई विरूवरूवाई। . अरतिं रतिं अभिभूय रीयति माहणे अबहुवादी॥
18.
लाढेहिं तस्सुवसग्गा बहवे जाणवया लूसिंसु। अह लूहदेसिए भत्ते कुक्कुरा तत्थ हिंसिंसु णिवतिंसु॥
19.
अप्पे जणे णिवारेति लूसणए सुणए डसमाणे । छुच्छुक्कारेंति आहेतु समणं कुक्कुरा दंसतु ति॥ (छुच्छुकरेंति आहेसु समणं कुक्कुरा दसंतु त्ति)'॥
20.
हतपुव्वो तत्थ डंडेण अदुवा मुट्ठिणा अदु फलेणं। अदु लेलुणा कवालेणं हंता हंता बहवे कंदिसु॥
प्राकृत गद्य-पद्य सौरभ भाग - 2
Jain Education International
For Personal & Private Use Only
www.jainelibrary.org
