________________
गिरि ऊपर संबाहन जान । चौदह सहस मनोहर थान । अट्ठाईस हजार असेस । दुर्ग जहां रिपुकौ न प्रवेस ||२३||
तीसरा अधिकार / ३५
उपसमुद्रके मध्य महान । अंतरदीप छपन परिमान । रतनाकर छब्बीस हजार । बहु विध सार वस्तुभंडार ||२४||
I
रतनकुच्छ सुंदर सातसै । रतनधरा थानक जहँ लसै । इन पुरसौं वस राजैं खरे । जैनधाम धरनी जनभरे ||२५||
वर गयंद चौरासी लाख । इतने ही रथ आगम-साख । तेज तुरंग अठारह कोर । जे बढ़ चलें पवनतैं जोर ||२६||
पुनि चौरासी कोटि प्रमान । पायक संघ बड़े बलवान । सहस छानवै वनिता गेह । तिनकौ अब विवरन सुन लेह ||२७|
आरज-खंड बसैं नरईस । तिनकी कन्या सहस बतीस । इतनी ही अतिरूप रसाल । विद्याधर- पुत्री गुनमाल ||२८||
पुनि मलेच्छ भूपनकी जान । राजकुमारी तावतमान । नाटकिगन बत्तीस हजार । चक्री नृपकौं सुखदातार ।।२९ ॥
आदि सरीर आदि संठान । पूर्वकथित तन लच्छन जान । बहुविध विजनसहित मनोग । हेमवरन तन सहज निरोग ||३०||
छहों खंड भूपति बलरास । तिनसौं अधिक देहबल जास । सहस बतीस चरन-तल रमैं । मुकटबंध राजा नित नमैं ||३१||
भूप मलेच्छ छोरि अभिमान । सहस अठारह मानैं आन । पुनि गनबद्ध बखानैं देव । सोलह सहस करें नृप सेव ||३२|| कोटि थाल कंचन निर्मान लाखकोटि हलसहित किसान | नाना बरन गऊकुल भरे । तीनकोटि व्रज आगम धरे ||३३|| दोहा । अब नवनिधिके नाम गुन, सुनौ जथारथ रूप । जैनी बिन जानै नहीं, जिनको सहज सरूप ||३४||
-
Jain Education International
For Private & Personal Use Only
www.jainelibrary.org
