________________
xviii
भिक्षुन्यायकर्णिका विषयाणां बाहुल्यं तेषां गाम्भीर्यं चावलोक्य तेषां स्पष्टप्रतिपत्तये भिक्षुन्यायकर्णिकाया मया न्यायप्रकाशिकानाम्नी संस्कृतव्याख्या कृता। अस्या व्याख्याया इदमेवोद्देश्यं यत् अत्रत्याः सर्वे विषयास्तुलनात्मकदृष्ट्या व्याख्याता विशिष्टज्ञानप्रयोजकाः स्युः । यथा-ज्ञानं प्रमाणं चेत्तस्य प्रामाण्यं स्वतः परतो वेति विसंवादः । विषयोऽयं विचारपथमानीतो नैयायिकादिभिर्दार्शनिकैः। सर्वं चात्रत्यं हार्द प्रथमविभागस्य पञ्चदशसूत्रे प्रामाण्यनिश्चयः स्वतः परतो वा इत्यत्र वैशयेन प्रस्तुतीकृतम्। अनुमितौ सद्हेतवः प्रयोजकाश्चेत् हेत्वाभासाः प्रतिबन्धका भवन्ति। के च ते असद्धेतवः इति विषयमादायगौतमीयन्यायपरम्पराया हेत्वाभासा अपि सोदाहरणमत्र सन्ति प्रस्तुतीकृताः । परिशिष्टे समागता भावेन विधिहेतवो भावेन प्रतिषेधहेतवश्च उदाहरणप्रत्युदाहरणमुखेन तथा व्याख्याता येन तद्विषयक: सन्देहः सर्वथैव व्यपगतो भवेत्।
अनया रीत्या व्याख्यातमिदं पुस्तकं जैनतत्त्वबुभुत्सूनां कृते सरलो राजमार्ग इति मे द्रढीयान् विश्वासः । ज्ञानगरिम्णा व्यापकविषयप्रतिपादनदृष्ट्या चेदं पुस्तकं विद्वज्जनमनःसु निदधीतपदमिति कामयमानः
१६/७/२००६
विश्वनाथमिश्रः प्रो. जैनविद्याविभाग जैन विश्व भारती संस्थान, लाडनूं
Jain Education International
For Private & Personal Use Only
www.jainelibrary.org
